+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstanda venchýrlyq qarjylandyrý AHQO bazasynda damytylady

2019 jylǵy 17 mamyr 13:07
Bólisińiz:
Qazaqstanda venchýrlyq qarjylandyrý AHQO bazasynda damytylady

NUR-SULTAN. QazAqparat - «Báıterek» ulttyq basqarýshy holdıngi» AQ basqarma tóraǵasy Aıdar Áriphanov elimizde venchýrlyq ınvestıtsııalar týraly aıtty, dep habarlaıdy QazAqparat tilshi

«Venchýrlyq qarjylandyrýdyń mán-jaıy belgili, osy oraıda 100 ıdeıanyń arasynda bir-ekeýi júzege assa, onyń ózin jaqsy dep baǵalaý kerek. Eger bir nemese eki kásipker 10-100 adamdy qamtyǵan bıznesti qursa, bul kórsetkish nátıjeli. Sondyqtan da qazirgi kezde qandaı da bir ındıkatorlardy belgileý qıyndaý bolady. Búginde tıisti jumystar júrip jatyr jáne osy sharalardy qadaǵalap otyrmyz. Biz venchýrlyq qarjylandyrýmen nemese ózderiniń ıdeıalaryn ilgeriletýmen aınalysýǵa nıet bildirgen barlyq adamdardy nazarymyzdan shyǵarmaımyz», - dedi A. Áriphanov.

Osy oraıda, ol AEF aıasynda holdıng eki sessııa ótkizgenin, onyń biri Qazaqstanda venchýrlyq qarjylandyrýdy damytý róline arnalǵanyn jetkizdi. Sonymen qatar, A. Áriphanov «Tehnologııalyq damý jónindegi ulttyq agenttik» AQ qaıta formattaýdan ótkenin, qazirgi kezde onyń ataýynyń «QazTech Ventures» AQ-ǵa aýystyrylǵanyn eske saldy.

«Biz Astana Hub jáne AHQO alańynda elimizdegi venchýrlyq qarjylandyrýdy damytýǵa nıettimiz. Osyǵan baılanysty Sıngapýrdan, Taılandtan jáne Ońtústik Koreıadan bizdiń sheteldik seriktesterdi shaqyrdyq. Osy elderde venchýrlyq qarjylandyrý memleket tarapynan belsendi qoldaýǵa ıe. Bul turǵyda qajetti ınfraqurylym qurýǵa qoldaý jasalady. Osy salada qarjylandyrýmen qamtamasyz etýden bólek, zańnamalyq jáne basqa da járdem sharalary qajet», - dedi basqarma basshysy.

Onyń aıtýynsha, búginde ınnovatsııalyq tehnologııalardyń qarqyn alýy úshin arnaıy alańdar iske qosylǵan.

«Óz jobasyn qarjylandyrý múmkindigi joq, alaıda ıdeıasy bar adamdar startaptar úshin qajetti qarjyǵa qol jetkizedi. Startap damý jolyna túskennen keıin, kommertsııalandyrý kezeńi bastalady. Bul turǵyda biz «Báıterektiń» barlyq tetikterin iske qosamyz», - dedi Aıdar Áriphanov.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
Sondaı-aq... oqyńyz
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT