Qazaqstanda «Uly dala tańy» fılmi túsirile bastady
2021 jylǵy 25 aqpan 23:24

Qazaqstanda «Uly dala tańy» fılmi túsirile bastady

TALDYQORǴAN. QazAqparat - Almaty oblysynda «Uly dala tańy» fılminiń túsirilim jumystary bastaldy, dep habarlaıdy QazAqparat.

Búgin, 25 aqpanda Almaty oblysy Jarkent aýdany Kóktal aýylynyń mańynda rejısser Aqan Sataevtyń «Uly dala tańy» tolyqmetrajdy tarıhı kórkem fılminiń túsirilimi bastaldy. Bul jaıynda Sháken Aımanov atyndaǵy «Qazaqfılm» kınostýdııasynyń baspasóz qyzmeti málim etti.

«Kınotýyndyny Qazaqstan Respýblıkasy Mádenıet jáne sport mınıstrliginiń tapsyrysy boıynsha «Qazaqfılm» kınostýdııasy túsiredi. Aýa raıynyń ýaqytsha sýyǵany túsirý tobyna qys mezgilindegi tabıǵatty túsirip alýǵa múmkindik berdi. Óndiris kestesine sáıkes, 2 kúnnen keıin túsirilim toby óz jumystaryn jalǵastyrý úshin Kegen aýylynyń mańyna kóshedi» delingen kınostýdııa málimetinde.

Fılmde Qazaq handyǵynda Qasym han bılik etken kezeńde memleket órkendep, Shyǵys Deshti-Qypshaqtyń keń aýmaǵyna baqylaý ornatylǵany týraly baıandalady.

Dál osy jyldary qazaqtar derbes etnıkalyq qaýymdastyq retinde bizdiń aýmaqtan tys jerlerge de belgili boldy.



Uqsas jańalyqtar
Seriktester jańalyqtary

Jańalyqtar

Úrdis

MURAǴAT