+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Qazaqstanda ulttyq parkter ózgeredi: Káýaphanalar joǵalyp, soqpaq joldar paıda bolady

2020 jylǵy 30 mamyr 18:11
Bólisińiz:
Qazaqstanda ulttyq parkter ózgeredi: Káýaphanalar joǵalyp, soqpaq joldar paıda bolady

ALMATY. QazAqparat - Qazaqstannyń Ekologııa, geologııa jáne tabıǵı resýrstar vıtse-mınıstri Erlan Nysanbaev Almatyda qoǵam, BAQ ókilderimen, blogerlermen kezdesip, Qazaqstandaǵy ekologııalyq týrızmdi damytý josparlary týraly aıtty, dep habarlaıdy QazAqparat.

Uqsas jańalyqtar
Eń jas ekobelsendi: Eshkim sýdy tıimdi paıdalanyp jatqan joq Aıgúl Soloveva: Prezıdent ekologııa máselesin júıeli túrde sheshýdi tapsyrdy Ásel Baımuqanova: Prezıdenttiń ekologııa salasyndaǵy bastamasy qazir asa mańyzdy

Vıtse-mınıstr BAQ-qa bergen suhbatynda qazirgi ýaqytta Qazaqstanda ekologııalyq týrızmdi damytý jónindegi jańa tujyrymdamany iske asyrýǵa kirisý josparlanyp otyrǵanyn atap ótti. Jospardy qurý aldynda halyqaralyq tájirıbeni zertteý júrgizildi.

«Men ulttyq parkter aýmaǵynda týrızmniń belsendi damýyna qarsylyq bildirgenderdiń biri boldym. Biraq sapar barysynda, tájirıbemen, atap aıtqanda amerıkandyq ekotýrızmdi damytý tájirıbesimen tanysqan kezde, men bul másele boıynsha alǵashqy ustanymdarymdy qaıta qaradym. Búgin men ekologııalyq týrızmdi damytý qajet dep senimmen aıta alamyn. AQSh-ta biz úsh saıabaqty araladyq. Olardyń ıdeologııasyndaǵy negizgi ustanym - bul tabıǵatqa salynǵan aýyrtpalyqtan arylý. Bul AQSh-ta ulttyq parkter aýmaǵynda úlken kapıtaldy ǵımarattar joq degendi bildiredi. Negizinen olar tek marshrýttar men joldardy belsendi damytady», - dedi E.Nysanbaev.


Salystyrý úshin kórneki mysal retinde ol Qazaqstandaǵy ulttyq parkterdiń qazirgi jaǵdaıyna, atap aıtqanda, kezdesý ótken Іle-Alataý saıabaǵynyń jaǵdaıyna nazar aýdardy.

«Biz búgin ne kórip otyrmyz? Biz kóptegen meıramhanalar men káýáphanalardy kóremiz, ıaǵnı adamdardy saıabaqqa barǵan kezde tamaqtanýǵa, demalýǵa, bir jerde túneýge bolatyndyǵyna sendiremiz», - dedi E.Nysanbaev.

Vıtse-mınıstrdiń pikirinshe, joǵaryda aıtylǵandar ekinshi josparda qalýy, al aldyńǵy qatarda - adamnyń tabıǵatpen baılanysy bolýy tıis.

«Eń bastysy - marshrýttar men joldar! ıAǵnı, adam tabıǵatpen baılanysý úshin ulttyq parktiń aýmaǵyna kirýi kerek. Ulttyq saıabaqtyń aýmaǵyna kirip, kartany kórip, aldymen qysqa, uzyn, qonyp qalý múmkindigi bar joldardy kórýi kerek», - dedi ol. Osy maqsatta ulttyq parkterdiń ınfraqurylymyn damytý tásilin ózgertý josparlanýda.

«Búgingi kúnge deıin ulttyq parkterdiń ınfraqurylymyn damytý máselesi júıesiz bolyp keldi. Mine, biz jalpy aýmaǵy 200 gektar bolatyn 122 ýchaskeni bıznes ókilderine tapsyrdyq. Eger 199 myńdyq ulttyq parktiń aýmaǵyn alsaq, bul búkil aýmaqtyń 0,1 paıyzyn quraıdy. Al biz ne kórip otyrmyz? Qyzmettiń deńgeıi men sapasy ártúrli. Búgingi tańda bul aımaq úlken tabys ákeletinin jáne jergilikti halyqty jumyspen qamtamasyz etetindigin eskere otyryp, ekologııalyq týrızmdi damytý tásilin ózgertý ýaqyty keldi» - dedi E.Nysanbaev.

«Búginde ulttyq saıabaqtarda keshendi júıe bolýy kerek. Qyzmet kórsetý sapasyn qamtamasyz etetin biryńǵaı týrıstik ónimdi qurý qajet. Bul - bizdiń basty mindetimiz «, - dep túsindirdi vıtse-mınıstr.


Іle Alataýy ulttyq parki týraly aıta kele, ol tender rásimderiniń nátıjesinde bas jospardy oryndaý tapsyrylǵan ınvestor anyqtalǵanyn eske saldy.

Buǵan deıin habarlanǵandaı, ınvestor qorshaǵan ortaǵa zııan keltirmeı, týrıstik soqpaqtardy, kempıngterdi, qazirgi zamanǵy sanıtarlyq kabınalardy jáne basqa da qajetti ınfraqurylymdarmen jabdyqtaýdy josparlap otyr.

«»Barlyq jańa jobalar adam qyzmetinen túsetin aýyrtpalyqsyz tabıǵatpen úılesimde jumys jasaıdy», - dep sendirdi ekologııa vıtse-mınıstri.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Kanat Tokabaev
Kanat Tokabaev
954-059

MURAǴAT