+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaqstanda turǵyn úı qurylysy boıynsha biryńǵaı operator qurylady

2020 jylǵy 19 aqpan 13:57
Bólisińiz:
Qazaqstanda turǵyn úı qurylysy boıynsha biryńǵaı operator qurylady

NUR-SULTAN. QazAqparat - Qazaqstanda turǵyn úı qurylysy salasyndaǵy operatorlar biriktiriledi, dep habarlaıdy QazAqparat.

Bul týraly «Báıterek» ulttyq basqarý holdıngi Basqarma tóraǵasynyń orynbasary Ánýar Omarqojaev aıtyp berdi.

«Memleket basshysynyń tapsyrmasyna sáıkes Báıterek development, Qazaqstan ıpotekalyq kompanııasyn jáne Turǵyn úı qurylysyna kepildik berý qoryn biriktirý arqyly «Báıterek» holdınginiń turǵyn úı blogyn ońtaılandyrý jumystary júrip jatyr. Sonymen birge, biryńǵaı operatorǵa «Damý» qorynyń qurylys salýshylarǵa nesıelerdi sýbsıdııalaý fýnktsııasy beriledi. Bıylǵy 1 maýsymǵa deıin zańnamaǵa tıisti ózgerister engiziledi. Biryńǵaı operator strategııalyq josparlaýdan bastap, ınjınırıng, tsıfrlyq monıtorıng syndy jobany júzege asyrýdyń barlyq kezeńderinde keshendi qoldaý kórsetedi. Oǵan qosa, «Nurly jer» sıtýatsııalyq ortalyǵynyń onlaın portalyn qurdyq», - dedi Á. Omarqojaev QR Prezıdenti janyndaǵy Ortalyq kommýnıkatsııa qyzmetindegi baspasóz máslıhatynda.

Onyń aıtýynsha, Turǵyn úı qurylys jınaq banki turǵyn úı-qurylys jınaq júıesin ári qaraı damyta beredi.

«Osylaısha, «Báıterek» holdıngindegi bes operatordyń sany ekige deıin azaıady. Holdıngtiń turǵyn úı blogy Turǵyn úı qurylys jınaq banki tarapynan suranysty arttyryp otyrady jáne Biryńǵaı operator fýnktsııalary arqyly turǵyn úı salý boıynsha usynysty qamtamasyz etedi. Biryńǵaı operator qurylystyń jańa ádisterine, jańa qurylys materıaldary men tehnologııalarǵa baǵyttalyp otyr», - dedi Á. Omarqojaev.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT