+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Qazaqstanda tuńǵysh ret qusbegilerdiń «Bessaıys» básekesi ótti

2019 jylǵy 28 qazan 23:55
Bólisińiz:
Qazaqstanda tuńǵysh ret qusbegilerdiń «Bessaıys» básekesi ótti

TARAZ. QazAqparat – Taraz qalasynyń irgesindegi atshabarda qusbegilerdiń «Bessaıys» básekesi ótti. Elimizde tuńǵysh ret ótip otyrǵan týrnırdi oblystyq sport basqarmasy men QR Ulttyq sport qaýymdastyǵy uıymdastyrdy, dep habarlaıdy QazAqparat tilshisi.

Uqsas jańalyqtar
«Altyn Tuǵyr-2019»: Ulttyq sport úzdikteri marapattalady Túrkistan oblysynyń Otyrar aýdanynda ulttyq oıyndardan jarys ótti Ulttyq sport túrlerinen Qazaqstannyń V festıvali jalaýyn kóterdi

Bessaıys sharty boıynsha ár qusbegide búrkit, qarshyǵa, ıtelgi men tazy ıt bolýy mindetteldi. Sondaı-aq, qusbeginiń ózi aýdaryspaq jekpe-jegine shyǵady. Tuńǵysh «Bessaıys» osyndaı bes túrli básekeden turdy.

Elimiz boıynsha dál osyndaı shartpen alǵash ret uıymdastyrylǵan «Bessaıysqa» qatysýshylar qusty qolǵa shaqyrý, shyrǵaǵa salý, suńqarǵa dalbaı teptirý, qarshyǵany qoıanǵa, túlkige salý, búrkitti túlkige, shıbórige salý, 500 metrge tazy jarystyrý sııaqty básekeler boıynsha synǵa tústi. Óz kezeginde qusbegiler arasyndaǵy aýdaryspaq jekpe-jegi de qyzyq tartysty órbidi.

Uıymdastyrýshylardyń aıtýynsha, bolashaqta «Bessaıysta» ár qusbegide bir qus pen tazy ǵana bolady. Esesine olar aýdaryspaq, arqan tartý jáne jamby atýdan baq synamaq.

Atalmysh jarysqa Almaty qalasy, Almaty, Jambyl, Túrkistan, Atyraý, Aqtóbe, Qaraǵandy oblystarynan kelgen barlyǵy 16 sportshy qatysyp, 16 búrkit, 13 tazy, 6 ıtelgi, 5 qarshyǵamen synǵa tústi.

Tartysty ótken jarys nátıjesinde qusbegiler arasynan jalpykomandalyq esepte Jambyl oblysy bas júldeni ıelendi.

Al, júırik tazysy men alǵyr qarshyǵasy birinshi oryndy, aýdaryspaqta balýan qusbegisi úshinshi oryndy, búrkiti ekinshi oryndy ıelengen túrkistandyq komanda ekinshi orynǵa taban tiredi.

Al, qos ıtelgisi júldeli orynǵa ilikken Almaty oblysynyń komandasyna «Bessaıys» týrnıriniń úshinshi oryny buıyrdy.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janat Qapalbaeva
Janat Qapalbaeva
954-059

MURAǴAT