+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Qazaqstanda trıatlon sportynyń ósý dınamıkasy joǵary - vıtse-mınıstr

2019 jylǵy 15 maýsym 10:38
Bólisińiz:
Qazaqstanda trıatlon sportynyń ósý dınamıkasy joǵary - vıtse-mınıstr

NUR-SULTAN. QazAqparat - Elimizde trıatlon sport túriniń búgingi jaǵdaıy men ony damytý jolyndaǵy atqarylyp jatyrǵan jumystar jóninde QR Mádenıet jáne sport mınıstriniń orynbasary Eldos Ramazanov QazAqparat tilshisine bergen suhbatynda aıtyp berdi.

«Trıatlon búginde elimizdiń 13 óńirinde sport túri retinde qolǵa alynyp qarqyndy damý ústinde. Jáne bul baǵytta elimiz boıynsha 17 trıatlon bólimi jumys isteıdi. Ótken jyldyń esebi boıynsha Qazaqstanda naqty aınalysatyn 1 163 sportshy bar. Onyń ishinde belsendilerdiń kóshin Almaty qalasy bastaıdy 248 sportshy tirkelgen, odan soń ShQO - 177 sportshy, úshinshi orynda Aqmola oblysy - 133 trıatlonshy, osyndaı kórsetkishpen tizim odan ári jalǵasa beredi. Atalǵan sport túrine qyzyǵýshylyq tanytýshylardyń paıyzdyq kórsetkishi 2018 jyly onyń aldyńǵy jylmen salystyrǵanda 37,8 paıyzǵa artqan. Sondyqtan bul sport túriniń ósý dınamıkasyn joǵary dep aıta alamyz», - dedi E. Ramazanov.
Onyń aıtýynsha, búginde elimizde trıatlonǵa daıyndaıtyn 56 eresekterge arnalǵan jattyqtyrýshy jáne 50 balalar men jasóspirimderdi daıyndaıtyn bapker bar.
«Jalpy trıatlonmen aınalysý úshin arnaıy baza qajet emes, biraq mindetti túrde basseın bolýy tıis. Al bizdiń ulttyq quramdaǵy sportshylar Túrkistan oblysy men Býrabaıdaǵy trıatlonnan oqý-jattyǵý ortalyǵynda daıyndalady. Qazirgi ýaqytta elimizdiń ulttyq quramynda 24 trıatlonshy bar. Onyń 8-i negizgi quramda, 8-i jastar quramynda jáne 8-i jasóspirimder quramyna kirgen. Olardyń barlyǵy respýblıkalyq jáne halyqaralyq jarystarda el namysyn qorǵap júr. Ótken jyly sportshylarymyz 9 respýblıkalyq jáne 13 halyqaralyq saıysqa qatysty. Jáne bul baǵytta bıýdjetten 45 mln teńge qarjy bólindi», - dedi ol.
Vıtse-mınıstrdiń deregine súıensek, otandyq sportshylar elimiz táýelsizdik alǵaly túrli deńgeıdegi halyqaralyq jarystardan 50-ge jýyq júldege ıe bolǵan.
Buǵan deıin habarlaǵanymyzdaı búgin elordada trıatlonnan ІІ Álem kýbogy ótip jatyr.

Bizdiń kanalymyzǵa jazylyńyz:

Bólisińiz:

Avtor:

Álı Ibraev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT