Qazaqstanda transulttyq qylmystyq top ustaldy

NUR-SULTAN. QazAqparat – Aǵymdaǵy jyldyń sáýiri men qazan aılary aralyǵynda QR Ulttyq qaýipsizdik komıteti Qazaqstanǵa shetelden sıntetıkalyq esirtki jetkizýdi júzege asyryp, sondaı-aq olardy daıyndap, ınternettegi «Borat24» dúkeni arqyly satqan transulttyq qylmystyq toptyń qyzmetin toqtatý boıynsha kólemdi operatsııa ótkizdi, dep habarlaıdy QazAqparat Qazaqstan Respýblıkasy Ulttyq qaýipsizdik komıtetiniń baspasóz qyzmetine silteme jasap.

Uqsas jańalyqtar

Mańǵystaýda bala zorlaǵan kúdikti ómir boıy bas bostandyǵynan aıyryldy

Polıtsııa qyzmetkerleri bir aptada 9 kisi óltirý qylmysyn ashty Aqtóbede múgedek erli-zaıyptyny kóseýmen urǵan kúdikti ustaldy Oral turǵyny ózge elden avtokólik aıdap kelemin dep 2 mln teńge jymqyrǵan

Transulttyq esirtki qurylymynyń 34 qatysýshysy ustaldy, 8 esirtki zerthanasy joıyldy. Eldiń iri qalalary – Nur-Sultan, Almaty jáne Shymkentke kontrabandalyq jolmen kirgizilgen 40 keli psıhotroptyq zat alyndy. Qara naryqta alynǵan esirtkiniń bólshek saýdadaǵy baǵasy 600 mln astam teńgeni (80 myń doza) quraǵan.

Budan basqa, esirtki saýdasynan túsirgen aqshalaı zatty «bıtkoınderdi» satyp alý jáne olardy shetelge shyǵarý boıynsha qarjy operatsııalaryn júzege asyrý jolymen resmıleýdi uıymdastyrǵan zańsyz krıptoalmastyrǵyshtardyń qyzmeti toqtatyldy. Bul rette, kómekshiler alǵan aqshany zańdastyrý úshin daıyndaǵan alty jyljymaly «maınıng ferma» anyqtaldy. Esirtki qurylymynyń kómekshileri eki jyldyń ishinde (2018 jyldyń qańtar aıynan bastap 2019 jyldyń jeltoqsanyna deıin) 2,5 astam teńgeni resmılendirgen.

Atalǵan faktiler Qazaqstan Respýblıkasy Qylmystyq kodeksiniń sot aldyndaǵy tergeýdiń biryńǵaı tizilimine 297-babynyń 4-bólimi, 264-babynyń 2-bólimi, 286-babynyń 4-bólimi jáne 218-babynyń 3-bólimimen tirkelgen.