+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Qazaqstanda tiri maldy eksporttaýǵa tyıym salyndy

2020 jylǵy 20 qańtar 10:19
Bólisińiz:
Qazaqstanda tiri maldy eksporttaýǵa tyıym salyndy

NUR-SULTAN. QazAqparat – Qazaqstanda tiri maldyń eksportyna tyıym salyndy, dep habarlaıdy QazAqparat QR Aýyl sharýashylyǵy mınıstrligine silteme jasap.

Ótken jyly Qazaqstannan shetelge 156 myń bas iri qara mal shyǵaryldy. Bul rette, basym kópshiligi – 121,6 myń bas nemese 78% Ózbekstan Respýblıkasyna, taǵy 14% Armenııa eline eksporttalǵan.
Sondaı-aq, elden 264 myń bas qoı shyǵarylǵan, onyń jartysynan astamy analyq mal. Usaq múıizdi maldyń basym bóligi, ıaǵnı 200 myńnan astamy (76%) Ózbekstan memleketine, 21,5 myń bas (8,1%) Reseı Federatsııasyna, 18 myń bas (6,7%) Ázerbaıjanǵa jáne shamamen 12 myń bas (4,5%) Iranǵa tasymaldanǵan.
«Tiri maldyń jappaı eksporty et ónimderine baǵanyń ósýine negiz boldy. Sonymen qatar, qalyptasqan jaǵdaı qazaqstandyq et óńdeý kásiporyndary men bordaqylaý alańdarynyń júktemesiniń tómendeýine alyp keldi. Ortasha alǵanda, 2019 jyly qazaqstandyq et óńdeý kásiporyndary óz qýatyn tolyq paıdalana almaǵan. Olardyń tolyq jumys istemeýiniń negizgi sebebi tiri maldyń jappaı eksportynyń saldarynan shıkizat tapshylyǵy boldy.

AÓK damytýdyń 2017-2021 jyldarǵa arnalǵan memlekettik baǵdarlamasyna sáıkes, QR AShM-da qaıta óńdelgen ónim eksportyn 2,5 esege arttyrý mindeti tur. Osyǵan baılanysty, bordaqylaý alańdary men et kombınattarynyń ótinishterine sáıkes QR Aýyl sharýashylyǵy jáne QR Qarjy mınıstrlikteriniń 2019 jylǵy 21 qazandaǵy «Aýyl sharýashylyǵy janýarlaryn shyǵarýdaǵy keıbir máseleler týraly» birlesken buıryǵyna ózgerister engizý týraly sheshim qabyldandy. Aıta ketsek, atalmysh buıryq tek analyq mal basynyń eksportyn ýaqytsha shekteıtin. Bul ózgerister barlyq iri qara mal men usaq múıizdi maldyń jynystyq-jastyq toptary boıynsha tirideı basyn ózge elderge shyǵarýǵa (eksporttaýǵa) tolyq tyıym salady», - delingen AQSh málimetinde.

Atap ótilgendeı, qujattyń jobasy salalyq saraptama uıymdarymen jáne oblys ákimdikterimen kelisilgen jáne «Atameken» UKP oń qorytyndysy alynǵan. Sondaı-aq Syrtqy saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııanyń maquldaýyna ıe boldy. Qazirgi ýaqytta múddeli memlekettik organdarmen kelisim jasalýda.
«Atalǵan buıryqqa ózgerister engizý taıaý jyldary Qazaqstanda mal basyn saqtap, ulǵaıtýǵa, otandyq et kombınattaryn qolaıly baǵamen sapaly shıkizatpen qamtamasyz etýge jáne daıyn óńdelgen ónimniń óndirisi men eksportyn arttyrýǵa múmkindik beredi», - dedi mınıstrlikten.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT