Qazaqstanda temirjol parkine 600 jańa vagon qosylady

NUR-SULTAN. QazAqparat – Qazaqstanda 2025 jylǵa deıin jolaýshylar temirjol parki 600 jańa vagonmen tolyǵady, dep habarlaıdy QazAqparat QR IIDM baspasóz qyzmetine silteme jasap.

Uqsas jańalyqtar

Qazaqstanda naýryzdan bastap temirjol bıletteri qymbattaıdy

«Jolaýshylar tasymaly» AQ parkin jańartý jónindegi memlekettik baǵdarlama sheńberinde jyl saıyn 100 jańa vagon satyp alý kózdelgen. Bıyl satyp alynǵan 50 vagon jolaýshy tasymaldaýǵa kirisken.

Vagondar kelesi baǵyttar boıynsha bólingen:

Nur-Sultan – Arqalyq (14),

Nur-Sultan – Semeı (8),

Atyraý – Mańǵystaý (18),

Almaty – Jezqazǵan (10).

Jyl sońyna deıin Qyzylorda – Semeı, Almaty – Óskemen, Nur-Sultan – Semeı, Almaty - Mańǵystaý baǵyttarynyń jolaýshylaryn qýantatyn taǵy 50 jańa vagonyn satyp alý josparlanyp otyr.

Aıta keterligi, byltyr «Qazaqstan temirjoly» ulttyq kompanııasy 109 vagondy jańartty.

Osy ýaqyt ishinde temirjolda 340 mln tonna júk tasymaldandy. Júk aınalymy 247,8 mlrd t/km deńgeıinde tirkeldi, bul ótken jyldyń sáıkes kezeńimen salystyrǵanda 4,6% - ǵa artty.