+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Qazaqstanda temeki ónimderiniń óndirisi bir jylda 10%-ǵa artty

2020 jylǵy 28 qyrkúıek 14:58
Bólisińiz:
Qazaqstanda temeki ónimderiniń óndirisi bir jylda 10%-ǵa artty

NUR-SULTAN. QazAqparat – Temeki bir jylda 13%-ǵa qymbattady. 1 qazannan bastap temeki buıymdaryn satýǵa jańa erejeler qoıylady, dep habarlaıdy QazAqparat energyprom.kz portalyna silteme jasap.

Uqsas jańalyqtar
Qyzylordada jún men bylǵary óńdeý óndirisi ashylady Qazaqstanda qaı kásiporyn basshylary eń joǵary jalaqy alady Qyzylordada 2023 jylǵa deıingi ekonomıkalyq damý jospary júzege asyrylýda

Qazaqstanda qyrkúıektiń basynda bir qorap temekiniń bólshek saýdadaǵy quny 489 teńgeni qurady, jylyna 12,7%-ǵa artty. Temeki Aqtóbe (534 tg), Nur-Sultan (521 tg) jáne Taraz (506 tg) qalalarynda basqalarmen salystyrǵanda qymbat. Temekini eń arzan satatyn qalalardyń úshtiginde Petropavl (468 tg), Qyzylorda (471 tg) jáne Pavlodar (474 tg) qalalary tur.

Qarjy mınıstrligi habarlaıdy: 2020 jyldyń 1 qazanynan bastap tsıfrlyq tańbalaýdy engizýdiń birinshi kezeńi aıasynda temeki ónimderin satýdyń jańa sharttary kúshine enedi – endi ol mindetti túrde tańbalanýy kerek. Temeki ónimderiniń kez kelgen aınalymy qajetti derekterdi oqıtyn jáne olardy fıskaldyq derekter operatorlaryna berýge múmkindik beretin 2D-skanerdi paıdalaný arqyly ǵana múmkin bolady. Bul naryqtyń ashyqtyǵyn qamtamasyz etýge jáne halyqty arzan, biraq densaýlyqqa qaýipti kontrafakt — jalǵan ónimnen qorǵaýǵa múmkindik beredi.

Qazaqstan Respýblıkasy Úkimetiniń Qaýlysyna sáıkes, 2020 jylǵy 1 qazannan bastap fıltri bar temekiler; 2021 jylǵy 1 sáýirden bastap stıkter, sıgaralar, sıgarıllalar, qyzdyrylatyn temeki sııaqty temeki ónimderiniń ózge de túrleri mindetti túrde tańbalanýǵa jatady.

2020 jyldyń mamyrynda Statıstıka komıteti alǵash ret eresek turǵyndardyń shylym tutynýy týraly saýalnama júrgizdi. Saýalnamaǵa 5,5 mln adam qatysty. Saýalnama qorytyndysy boıynsha, qazirgi ýaqytta 21,9% qatysýshy shylym shegedi, al 78,1%-y – shekpeıdi.

Elimizde kúnine 14,1 mln dana temeki ónimi tutynylady.

QR-da kún saıyn 961,9 myń adam óndiristik temeki shegedi. Barlyq temeki shegýshilerdiń jartysyna jýyǵy – 440,6 myń adam – kúnine osy sekildi 15-24 temekini paıdalanady.

Taǵy bir bóligi – 236,5 myń respondent – kún saıyn 10-14 temeki shegedi. Qatysýshylardyń 16,9%-y kúnine 5-9 temeki shegedi.

2020 jylǵy qańtar-tamyzda kompanııalar 10,6 mlrd temeki, sıgar, papıros jáne basqa da osyǵan uqsas buıymdardy óndirdi — ótken jylmen salystyrǵanda 9,9%-ǵa artyq. Aqshalaı aıtqanda óndiris 131,6 mlrd teńgeni qurady.

Anyqtama úshin: 2019 jyldyń qańtar-jeltoqsan aılarynda 17,4 mlrd temeki ónimi óndirildi — 2018 jylǵa qaraǵanda 4,1%-ǵa az*.

Jeti aıdyń qorytyndysy boıynsha jergilikti kompanııalar temeki men papırostarǵa suranysty (eksport plıýs ishki naryqta ótkizý) 74,7%-ǵa qamtamasyz etti. Bir jyl buryn bul kórsetkish 39,9% bolǵan.

Import úlesi tıisinshe 25,3% qurady. Elge 3 mıllıard temeki men papıros ákelindi – bul bir jyl burynǵyǵa qaraǵanda 4 ese az. Eksport úlesine resýrstardyń 13,9%-y tıesili boldy. Bir jyl buryn dál osy kórsetkish 13,4% bolǵan.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT