+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Qazaqstanda tárkilengen esirtkiniń eń iri partııasy: BQO sotynda úkim shyqty

2021 jylǵy 13 mamyr 21:28
Bólisińiz:
Qazaqstanda tárkilengen esirtkiniń eń iri partııasy: BQO sotynda úkim shyqty

ORAL. QazAqparat – Batys Qazaqstan oblysynda Qazaqstan aýmaǵynda sıntetıkalyq esirtkiniń eń iri kólemi (30 keliden astam) tárkilengen is boıynsha sot úkimi shyqty, dep habarlaıdy QazAqparat tilshisi.

Uqsas jańalyqtar
Atyraýda esirtki saıttaryn jarnamalaǵan eki jasóspirim ustaldy Taraz  turǵyny geroınmen ustaldy Oral turǵyny saıajaıynda kóknár ósirgen

BQO qylmystyq ister jónindegi mamandandyrylǵan aýdanaralyq sotynda Ýkraına azamattary Igor Dýnaevskıı men Vıtalıı Malıýkqa qatysty sot úkimi jarııalandy.

Sot tóraǵasynyń mindet atqarýshy Baqyt Ermahanov málim etkenindeı, QR QK 297-baby 4-bóligi (esirtki, psıhotroptyq zattardy, sol tektesterdi ótkizý maqsatynda zańsyz daıyndaý, saqtaý, ótkizý jáne qylmystyq toppen asa iri mólsherde psıhotroptyq zattardy ótkizý), 264-baby 2-bóligine (transulttyq qylmystyq uıymǵa qatysý) sáıkes I.Dýnaevskıı 19 jyl, V.Malıýk 18 jylǵa bas bostandyǵynan aıyryldy. Olar jazasyn qaýipsizdigi barynsha joǵary qylmystyq-atqarý júıesi mekemesinde óteıdi.

Sot talqysynda málim bolǵanyndaı, ótken jyldyń aqpan aıynda Ýkraınada I.Dýnaevskıı men V.Malıýk basqa da tergeýmen anyqtalmaǵan adamdarmen birge Qazaqstan aýmaǵynda asa iri mólsherde psıhotroptyq zattardy daıyndaý jáne ótkizý maqsatymen transulttyq qylmystyq uıym qurýǵa ýaǵdalasqan.

Sol jyly 23 aqpanda I.Dýnaevskıı Mınskiden Nur-Sultanǵa ushyp kelgen. 8 naýryzda Oralǵa jetip, uzaq merzimge páter jaldap, V.Malıýkti kútken.

V.Malıýk Varshava, Nur-Sultan qalalary arqyly 13 naýryzda Oralǵa ushyp kelgen. Sodan keıin ekeýi Terekti aýdany Aqsýat aýylynyń shetinen turǵyn úı satyp alyp, jasyryn hımııalyq zerthana jasaǵan. Jalpy salmaǵy 30543,06 gramm mefedron men pırovalıron psıhotroptyq zattaryn daıyndap, ótkizý maqsatynda saqtaǵan. Bul - Qazaqstanda tárkilengen eń iri sıntetıkalyq esirtki bolyp tabylady.

Úkim zańdy kúshine engen joq.

Aıta keteıik, atalǵan ekeýdi ótken jyldyń tamyz aıynda polıtsııa qyzmetkerleri ustaǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT