Qazaqstanda taratylatyn 9 banktiń salymshylary aqshasyn aldy - Qor
2022 jylǵy 4 shilde 10:29

Qazaqstanda taratylatyn 9 banktiń salymshylary aqshasyn aldy - Qor

NUR-SULTAN. QazAqparat - «Capital Bank Kazakhstan» AQ salymshylaryna kepildik berilgen ótemdi tóleý merzimi aıaqtaldy. Bul týraly QazAqparat Qazaqstannyń depozıtterge kepildik berý qoryna silteme jasap habarlaıdy.

Qordyń málimetine sáıkes, bir jyl merzimde taratylatyn banktiń salymshylaryna shamamen 1,6 mlrd teńge tólendi. Bul bank boıynsha kepildiktiń jalpy somasynyń 92% asady. Tólemderdiń maksımaldy somasy 15 mln teńgege jetti, mınımaldy somasy – 10 teńgege deıin boldy. Kepildik berilgen ótemdi tóleý «Eýrazııalyq bank» AQ agent-bankiniń bólimshelerinde de, sondaı - aq onlaın berilgen ótinishter boıynsha Qor júrgizildi.

Qazirgi tańda salymshylardyń BJZQ jeke zeınetaqy shottaryna kepildik berilgen ótemniń talap etilmegen somalaryn aýdarý sharalary júrgizilip otyr. Aqshany esepke alý aǵymdaǵy jyldyń 2 tamyzyna deıin júrgiziledi.

«Tólem merzimi asqannan keıin azamattar, talap etilmegen soma BJZQ aýdarylǵan jaǵdaıda da, ótem alý úshin júginýge quqyly bolady. Bul múmkindikti belgili bir sebeptermen belgilengen merzimde tólem alýǵa ótinish bere almaǵan salymshylar ǵana paıdalana alady. Ol úshin salymshy QDKBQ -dáleldi sebepterdiń biriniń bar ekenin rastaıtyn qujattardy qosymsha tapsyrý arqyly, jazbasha ótinish berýi qajet, - dedi Qordyń tóraǵasy Adıl Ýtembaev.

Qazaqstannyń depozıtterge kepildik berý qory Qazaqstanda taratylatyn toǵyz bank boıynsha salymshylarǵa tólemderdi tóleýdi aıaqtaǵan.

Tolyq aqparatty 1460 tegin nómiri boıynsha alýǵa bolady.


Jańalyqtar

Úrdis

MURAǴAT