+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Qazaqstanda taǵy bir úlken qala boı kóteredi: Nursultan Nazarbaev jańarǵan Túrkistandy aralady

2019 jylǵy 5 qarasha 18:55
Bólisińiz:
Qazaqstanda taǵy bir úlken qala boı kóteredi: Nursultan Nazarbaev jańarǵan Túrkistandy aralady

TÚRKІSTAN. QazAqparat – Elbasy Nursultan Nazarbaev eki kúndik jumys sapary barysynda Túrkistan qalasyndaǵy jańa ǵımarattardy aralap kórdi. Ol kıeli shaharda qurylys jumystary qarqyndy júrip, jańa jumys oryndary ashylyp jatqanyn atap ótti, dep habarlaıdy QazAqparat tilshisi.

Uqsas jańalyqtar
Nursultan Nazarbaev qazaqstandyqtardy Táýelsizdik kúnimen quttyqtady Nursultan Nazarbaev: Sultan Sartaev otandyq quqyqtaný salasyna eleýli úles qosty Nursultan Nazarbaev elordanyń alǵashqy qurylysyna atsalysýshylarmen kezdesti

Túrkistanǵa kelgen alǵashqy kúni Nursultan Nazarbaev qaladaǵy mádenı-aǵartý nysandarynyń, ártúrli baqtar men Arbattyń qurylys josparymen tanysty.


Sonymen birge, Qazaqstan Respýblıkasynyń Tuńǵysh Prezıentine «Kúltóbe qalashyǵy» arheologııalyq parkin qurý jospary tanystyryldy.







Elbasy bul kúni sondaı-aq, «Craftsman-2019» halyqaralyq qolónershiler jármeńkesin tamashalady. Respýblıka deńgeıinde alǵash ret uıymdastyrylǵan sharaǵa elimizben qatar Iran, Úndistan, Reseı Federatsııasy, Aýǵanstan, Ózbekstan, Túrkııa, Qyrǵyz Respýblıkasy, Ázerbaıjan, Tájikstan, Bashqurtstan, ıAkýtııadan 200-ge jýyq qolónershi qatysty.












Elbasy jármeńkege qoıylǵan buıymdardy aralap kórip, qolónershilerdiń eńbegine dán rıza boldy. Túrkistanda týrızmdi damytý baǵytynda qolǵa alynǵan jumystarǵa toqtalyp, qazba jumystary júrgizilip jatqanyn jáne mýzeıler salynyp, Samarqan – Tashkent – Shymkent – Túrkistan baǵytynda qatynas ornap jatqanyn atap ótti.

Qazaqstannyń Tuńǵysh Prezıdenti – Elbasy Nursultan Nazarbaev jumys sapary barysynda qurylysy aıaqtalǵan birqatar nysandarda boldy. Túrkistandaǵy jańadan ashylǵan Neke saraıynda jastarmen beıresmı kezdesý ótkizip, olardy jan-jaqty bolýǵa shaqyrdy.









Neke saraıy Qostanaı oblysynyń tapsyrysymen salynyp, qurylys jumystary shildede bastalǵan. Qurylys qazan aıynda aıaqtaldy.

Elbasy Nursultan Nazarbaev Túrkistandaǵy Halyqqa qyzmet kórsetý ortalyǵynda da boldy. Atalǵan ortalyqty salýdy Pavlodar oblysy mindetine alǵan bolsa, onyń qurylysy josparlanǵan merzimde aıaqtaldy.





Úsh qabatty ǵımaratta 200 adamǵa arnalǵan kútý jáne operatsııalyq zaldary bar.



«Áleýmettik nysandar, zamanaýı áýejaı salynady. Sý máselesi, jol boıyndaǵy qalanyń ınfraqurylymy tolyq sheshimin tabady. ıAǵnı Qazaqstanda taǵy bir úlken qala boı kóteredi. Qurylysty aralap kórip rıza boldym, kóp jumys atqarylǵan», - dedi Nursultan Nazarbaev.

Tuńǵysh Prezıdent sapary barysynda Túrkistan qalasyndaǵy «Alataý« medıa-ortalyǵy ǵımaratyn da aralap kórdi. Elbasy óńirlik BAQ ókilderine arnalǵan jumys bólmelerimen tanysyp, qaladaǵy jańa nysandardyń qurylys qarqyny joǵary ekenin atap ótti.




«Shymkent mıllıon turǵyny bar qalaǵa aınaldy. Osyǵan oraı biz jeke Túrkistan oblysyn qurdyq. Bul kópten beri oıymda júrgen edi. Osylaısha biz úlken qurylys bastadyq. Munyń bári astanamyzdyń qurylysyn eske túsiredi. Endi elimizdiń ońtústiginde taǵy bir ádemi shahar boı kóterip keledi. Osynyń barlyǵy el ıgiligi úshin jasalyp jatyr», - dedi Nursultan Nazarbaev óńirlik BAQ ókilderine.


Sondaı-aq Elbasy Túrkistan oblystyq ákimdiginiń jańa ǵımaratynda da boldy. Aǵymdaǵy jyldyń qańtar aıynda qurylysy bastalǵan ákimdik ǵımaraty jyl sońyǵnda paıdalanýǵa beriledi dep kútilýde.






Nursultan Nazarbaev oblys ákimdiginde «Nur Otan» partııasy fılıalynyń halyq pen bılik arasyn jaqyndatý baǵytynda qolǵa alǵan jobamen tanysty. Oblys ákimi, «Nur Otan» partııasynyń Túrkistan oblystyq fılıalynyń tóraǵasy Ómirzaq Shókeev turǵyndardyń ótinishi men quqyqtary árdaıym basty nazarda bolatynyn jetkizdi. Al jobanyń jumysymen Elbasyn «Nur Otan» partııasynyń Túrkistan oblystyq fılıaly tóraǵasynyń birinshi orynbasary Beısenbaı Tájibaev tanystyrdy.


Túrkistanda birneshe nysannyń qurylysy aıaqtalýǵa jaqyn. Olardyń qatarynda ákimshilik-iskerlik ortalyq, «Nur-Sultan» alańy jáne «Alataý» medıa-ortalyǵy paıdalanýǵa berildi. Al salynyp jatqan nysandar ishinde «Uly Dala» murajaıy, «Hampton by Hilton» qonaq úıi jáne 7000 oryndyq fýtbol stadıony bar.

Elbasy Nursultan Nazarbaev bul kúni Túrkistandaǵy jańa mýzyka mektebine de baryp, jas ónerpazdarmen kezdesti.

Tuńǵysh Prezıdentke óńirde óner men mádenıet salasyn damytý úshin qabyldanyp jatqan sharalar jóninde málimet berildi. Balalar shyǵarmashylyq ujymdary birneshe mýzykalyq qoıylym kórsetti.



Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT