Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.80 EUR 429.27
RUB 5.78 CNY 54.89
Jańalyqtar

Qazaqstanda tabysty bıznesti qalaı qurýǵa bolady

2019 jylǵy 17 shilde 17:39 434
Bólisińiz:
Qazaqstanda tabysty bıznesti qalaı qurýǵa bolady

NUR-SULTAN. QazAqparat - NUR.KZ IT-kompanııasynyń HR-dırektory Marııa Karchevskaıa qazaqstandyq naryqta tabysty bıznes qurý úshin 5 negizgi krıterıılerdi atady, dep habarlaıdy QazAqparat.

Kompanııanyń basty qundylyǵy - adamdar

«Kompanııanyń basty protsesteriniń biri qyzmetkerlerdi irikteý jáne jaldaý bolyp tabylady. Bizdiń kompanııa laýazymǵa taǵaıyndaý aldynda úmitkerdi kóp kezeńdi irikteýden ótkizedi, keıin onyń beıimdelý úrdisi bastalady. Basshylar men HR-departament bul protseske kóp ýaqyt pen kúsh jumsaýy kerek, óıtkeni qyzmetkerdi jaldaý kezindegi jiberilgen qate sizdiń bıznesińizge óte qymbatqa soǵýy múmkin».

Mansaptyq ósý múmkindikteri

«Qyzmetkerlerdiń kompanııamen birge óskeni jaqsy. Bizde aı saıyn barlyq ujym jınalysy ótedi, onda qandaı da bir qyzmetkerdiń joǵarylaýy týraly jıi estýge bolady. Jańadan kelgender úshin bul úlken ról atqarady, óıtkeni olar áriptesteriniń mansaptyq ósýin aıqyn kórip, »bizde mansaptyq ósý múmkin« degen frazany estip qana qoımaı, óz kózderimen kóredi».

Qyzmetkerlerdiń damýy - bıznes úshin ilgerileý

«Úlken kompanııalardyń qyzmetkerleri ózderiniń áriptesterimen tájirıbe bólisýi óte mańyzdy. Bizde qyzmetkerlerdiń jumyspen, damýmen nemese oqylǵan kitaptarmen baılanysty taqyryptarǵa shaǵyn tanystyrylymdarda sóz sóıleý tájirıbesi bar. Biz bul is-sharalardy baıandamalar dep ataımyz. Baıandamalar kez kelgen adam óz oı-órisin keńeıtip, basqa bólimderdiń jumysy týraly jańa nárse bilý úshin damytýshy sıpatqa ıe. Baıandamalardyń arqasynda kóptegen qyzmetkerler naryqta paıda bolatyn barlyq trendter men jańalyqtardy biledi».

Qolaıly iskerlik ahýal jasaý

«Barlyq jerde daýly jaǵdaılar bolyp jatady. »Ystyq aımaqtardy« taýyp, týyndaǵan máselelerdi sheshý óte mańyzdy. Árqashanda túbegeıli birdeńeni ózgertý qajettiligi joq, kóbinese qyzmetker jaı ǵana ishindegisin aıtýy kerek. Men árdaıym bylaı dep aıtamyn jáne osyǵan senemin: jaman adamdar joq, jaı ǵana jaǵdaıdy túsinip, janjaldyń sebepterin anyqtaý kerek. Qandaı ótkir jaǵdaılar bolmasyn, adamdarmen adamgershilik qarym-qatynasta bolý kerek.



Túsindirý áńgimeleri, tártiptik jazalar jáne sógis ýaqyty ótti. Osy aspektilerde máselelerdi kásibı túrde sheshý kerek. Bizdiń kompanııa qyzmetkerleri jumys ýaqytyn ózderi retteıdi jáne óz jumystaryna jaýapkershilikti óz moıyndaryna alady. Mundaı tásildiń arqasynda úlken komandanyń árbir múshesi óz mindetterimen shuǵyldanady jáne keńsede árdaıym jaqsy atmosfera».

Jumys jasaýǵa jaıly jaǵdaı

«Bizdiń kompanııada ornatylǵan dress-kod joq, negizgi qaǵıda - aqyldylyq. Eger satý menedjeri klıentpen kezdesý ótkizse, ol qalaı kórinýi kerek ekenin ózi túsinedi.

Jumys kestesi qyzmetkerlerdiń kópshiligi úshin ózgermeli. Árıne, departamentter bar, mysaly, redaktsııa bóliminde keste ózgermeli. Basqa bólimderdiń qyzmetkerleri ózine yńǵaıly kesteni tańdaı alady: 8:00-den 17: 00-ge deıin, 9:00-den 18:00-ge deıin nemese 10:00-den 19:00-ge deıin.



Bizde zamanaýı keńse bar. Open-space pishiminiń alańy úlken artyqshylyqtarǵa ıe. Birinshiden, barlyǵy kórinip turady. Sen kim jáne nemen aınalysatynyn kóre alasyń. Ekinshiden, qyzmetkerler arasynda kommýnıkatsııada problemalar týyndamaıdy, bul úlken kompanııada óte mańyzdy. Keńsede tennıs ústeli bar, onda sport súıetin balalar jıi jınalady. Keıbireýler tamaqqa tapsyrys berip, as úıde ýaqyt ótkizedi, basqalary bos ýaqytyn kitap oqýǵa arnaýy múmkin. Bizde barlyǵymyz múddelerdi túıistirýge jáne baılaýǵa maqsat joq. Biz adamdardyń bos ýaqytyn tıimdi ótkizýge jaǵdaı jasaımyz.

Kompanııada 3 aıdan astam ýaqyt jumys istegen qyzmetkerlerge fıtnes-ortalyqtar men basseınderge abonementter, kontsertter men fılm kórsetilimderine bılet usynamyz. Osynyń arqasynda bizdiń komandamyzdyń kóp bóligi únemi fıtnespen aınalysyp, óziniń syrt kelbetine kútim jasaıdy».




Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT