+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qazaqstanda stýdenttik jataqhana jetispeýshiligi qansha oryndy quraıdy

2021 jylǵy 8 qyrkúıek 11:40
Bólisińiz:
Qazaqstanda stýdenttik jataqhana jetispeýshiligi qansha oryndy quraıdy

NUR-SULTAN. QazAqparat – Stýdentter jataqhanasynyń jetispeýshiligi Nur-Sultan jáne Almaty qalalarynda baıqalyp tur. Bul týraly Májilistiń jalpy otyrysynda depýtat Elnur Beısenbaev aıtty, dep habarlaıdy QazAqparat tilshisi.

Uqsas jańalyqtar
Qazaqstanda dene shynyqtyrý páni muǵalimderine ústemaqy tólenedi Ashat Aımaǵambetov: Bir mektepte birneshe sport zal bolýyn qarastyryp jatyrmyz Memlekettik saıasatta ǵylymı jáne sarapshylyq qoldaýǵa qajettilik artady – Senat spıkeri

«Elimizdegi jastardyń basym bóligin stýdentter quraıdy. Memleket basshysynyń bastamasymen bólinip jatqan granttardyń sany, sondaı-aq tegin tehnıkalyq bilim berýdiń edáýir kóbeıýi jyldan-jylǵa stýdentterdiń ósýine alyp kelýde. Degenmen, sol jas stýdent úshin jataqhana máselesi sheshimin tabar emes. Ctýdenttiń sapaly bilim alýy úshin, onyń jataqhanamen qamtamasyz etilýiniń mańyzy zor. Elimizde 1,1 mıllıonnan astam stýdent bilim alady. Onyń tek 16 paıyzy ǵana (174 myń) jataqhanamen qamtamasyz etilgen. Qazirdiń ózinde jataqhana jetispeýshiligi 80 myń oryndy qurap otyr. Bul máseleni ýaqytynda sheshý úshin Elbasy 2022 jyldyń sońyna deıin stýdentterge arnap 75 myń oryndyq jańa jataqhana salýdy tapsyrǵan. Biraq, aımaqtarǵa keletin bolsaq, bastama árkelki júzege asýda. Ásirese, ctýdentter jataqhanasynyń eń úlken jetispeýshiligi Nur-Sultan jáne Almaty qalalaryna tıesili», - dedi E. Beısenbaev QR Premer-Mınıstriniń orynbasary Eraly Toǵjanovtyń atyna joldaǵan depýtattyq saýalynda.

Onyń aıtýynsha, Almaty qalasynda 170 myńǵa jýyq (38 ýnıversıtet, JOO) stýdent bilim alsa, onyń tek 31 myńy ǵana jataqhanamen qamtylǵan. Dál qazirdiń ózinde Almaty qalasy boıynsha jataqhana jetispeýshiligi 35 myń oryndy qurap otyr. Joǵaryda berilgen tapsyrmaǵa sáıkes, Almatyda 2022 jyldyń sońyna deıin ýnıversıtetterde 16 myń oryndyq 38 jataqhana qurylysy aıaqtalýy qajet. Biraq, sońǵy úsh jyldyń ózinde 1600 orynǵa jýyq tek 6 stýdenttik jataqhana boı kóterdi.

«Joǵaryda kóterilgen máselelerge baılanysty, Úkimet tarapynan jataqhana salý boıynsha suraqtardy júıeli túrde sheshýdi usynamyz. Birinshiden, stýdenttik jataqhanalardy asa mańyzdy áleýmettik nysan retinde qarastyryp, ákimdikter tarapynan jerdi bólý, sondaı-aq qurylysty bastaý úshin qajetti qujattardy retteý boıynsha jumystardy bıýrokratızmge aınaldyrmaı sheshý joldaryn qarastyrýdy suraımyz. Ekinshiden, elimiz boıynsha eń kóp ýnıversıtetter ornalasqan Almaty qalasynda seısmıkalyq talaptarǵa saı 9-10 qabatty jataqhanalar salý máselesin qarastyrý kerek. Úshinshiden, elimizdiń eń iri pedagogıkalyq ýnıversıtetiniń jataqhana salýǵa arnalǵan tıisti jer máselesin sheshý kerek. Tórtinshiden, stýdenttik jataqhanalardyń zamanǵa saı jabdyqtalýy men olardyń kezekti jóndeý jumystaryn ýaqytynda iske asyrýdy qolǵa alýdy suraımyz», - dedi Elnur Beısenbaev.


Bizdiń kanalymyzǵa jazylyńyz:

#Parlament   #Bilim  
Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT