Qazaqstanda «Spýtnık Laıt» reseılik vaktsınasy óndirilýi múmkin
2021 jylǵy 23 qarasha 12:59

Qazaqstanda «Spýtnık Laıt» reseılik vaktsınasy óndirilýi múmkin

NUR-SULTAN. QazAqparat – Elimiz kórshi Reseıden «Spýtnık Laıt» vaktsınasyn ákelýge qatysty aldyn ala kelisim júrgizip jatyr. Bul týraly QR Densaýlyq mınıstri Alekseı Tsoı málim etti, dep habarlaıdy QazAqparat tilshisi.

«Búginde reseılik áriptesterimizben «Spýtnık Laıt» vaktsınasyn jetkizý týraly kelisim júrgizip jatyrmyz. Bul ekpeniń «Spýtnık V»-dan aıyrmashylyǵy joq, tek birinshi komponenti bólek», - dedi A. Tsoı Úkimet úıinde tilshilerdiń suraǵyna jaýap bere tura.

Mınıstrdiń aıtýynsha, ázirge atalǵan ekpe túrin elimizge jetkizý merzimi belgisiz.

«Sonymen qatar Reseı «Spýtnık Laıt» vaktsınasyn qansha kólemde usyna alatyny týraly naqtylap jatyrmyz. Sebebi olardyń ishki naryǵynda da suranys bar. Reseı jaǵynan kommertsııalyq usynys túse sala, iske kirisetin bolamyz. Bizge vaktsına úlken kólemde qajet emes, óıtkeni elimizde revaktsınatsııa júrip jatyr jáne onyń óz kezeńi bar. Jalpy alǵanda jańa jylǵa deıin qaıta vaktsına alýshylar úshin ekpe kólemi jetkilikti», - deıdi ol.

Sondaı-aq, A.Tsoı Qaraǵandydaǵy farmatsevtıkalyq keshenge «Spýtnık Laıt» vaktsınasynyń tájirıbelik partııasy jetkizilgenin jáne búginde ony ózimizde óndirý jaǵy qaralyp jatqanyn jetkizdi.

Buǵan deıin vedomstvo basshysy «elimizde jańajyldyq korporatıv ótkizýge ruqsat bar ma?» degen saýalǵa j aýap bergen edi.

Odan bólek, mınıstr Pfizer vaktsınasyn alyp jatqan júkti áıelder, emizýli analar men jasóspirimderdiń jaǵdaıy týraly aıtty.


Jańalyqtar

MURAǴAT