+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Qazaqstanda shamamen 18,8 mln tonna astyq bar – AShM

2021 jylǵy 19 qyrkúıek 02:24
Bólisińiz:
Qazaqstanda shamamen 18,8 mln tonna astyq bar – AShM

PAVLODAR. QazAqparat - Ótken jyldan qalǵan astyqty qosa eseptegende, elimizde shamamen 18,8 mln tonna astyq bar. Pavlodar oblysyna jumys saparymen barǵan QR Aýyl sharýashylyǵy mınıstri Erbol Qarashókeev osylaı málim etti, dep habarlaıdy QazAqparat.

Uqsas jańalyqtar
Ulttyq joba: Aldaǵy 5 jylda elimizdiń agroónerkásiptik kesheni qalaı damytylady Aýyl sharýashylyǵy mınıstri bıylǵy astyq túsimine boljam jasady SQO-da maıly daqyldardyń 74 paıyzy jınap alyndy

Vedomstvonyń baspasóz qyzmetiniń málimetinshe, QR Aýyl sharýashylyǵy mınıstri Erbol Qarashókeev oblystaǵy egin jınaý barysymen tanysyp, biraqatar aýyl sharýashylyǵy kásiporyndaryn aralaǵan. Mınıstr óńirge QR Premer-mınıstriniń orynbasary Roman Sklıardyń Pavlodar oblysyna jumys sapary aıasynda delegatsııa quramynda bolǵan.

Erbol Qarashókeev jel generatory júıesiniń jumysymen tanysty. Odan keıin taýarly sút fermasyna, áleýmettik nysandar men ǵylymı zerthanaǵa, oblystaǵy jylyjaı men kókónis qoımalaryna baryp, sharýalarmen kezdesti.

Sondaı-aq, jumys sapary aıasynda E.Qarashókeev kartop, kókónis jáne dándi daqyldar ósirýmen aınalysatyn «Tımýr» sharýa qojalyǵynyń alqaptaryn aralap kórdi.

«Qazirgi ýaqytta elimizde 14,6 mln ga dándi jáne dándi-burshaqty daqyl jınaldy. Ortasha ónimdilik gektaryna 9,3 tsentnerden aınaldy. Ótken jyldan qalǵan astyqty qosa eseptegende, shamamen 18,8 mln tonna astyq bar, onyń 13,3 mln tonnasy bıdaı. Qazaqstan ishki qajettilikti bıdaımen tolyq qamtamasyz etedi», - dedi mınıstr.

Vedomstvo basshysyna jylyjaı ónimderin óndirýdiń qazirgi jaǵdaıy men odan ári damý perspektıvalary usynyldy.

«Investıtsııalyq sýbsıdııa baǵdarlamasy aıasynda jylyjaı salýǵa ketken shyǵyndar óteledi», - dep atap ótti E.Qarashókeev.

Vırýssyz kartop tuqymyn ósirýge arnalǵan bıozerthananyń jumysymen tanysqan mınıstr jalpy aýyl sharýashylyǵy júıesiniń tıimdiligi daqyldardy ósirý men mal sharýashylyǵyn damytýdyń ǵylymı ádis-tásilderine negizdelýi tıis ekenin atap ótti.

Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT