+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Qazaqstanda poıyz qozǵalysyn naqty ýaqyt rejıminde baqylap otyrýǵa bolady

2020 jylǵy 1 shilde 14:28
Bólisińiz:
Qazaqstanda poıyz qozǵalysyn naqty ýaqyt rejıminde baqylap otyrýǵa bolady

NUR-SULTAN. QazAqparat - «Qazaqstan temir joly» UK» AQ «Tsıfrlyq transformatsııa» sheńberinde jobalardy belsendi engizýde. Bul - ýaqyt talaby, dep habarlaıdy QazAqparat.

Basty jobalardyń biri – «Poıyz qozǵalysyn basqarý ortalyǵy». Onyń aıasynda tamyz aıynda iske qosylýy josparlanyp otyrǵan Aqtóbe qalasynda Batys aımaqta pılottyq polıgon qurý boıynsha jumys júrgizilýde. Ol bes bólimsheniń - Aqtóbe, Atyraý, Mańǵystaý, Oral, Qyzylorda dıspetcherlik ortalyqtaryn biriktiredi.

Aqtóbe qalasynda polıgonnyń jumysyn uıymdastyrý sheńberinde batys aımaqtyń shekaralarynda tasymaldaý protsesin basqarýdy uıymdastyrý qurylymyn bir fılıalǵa tolyq reformalaý kózdelýde. Bul Aqtóbe qalasynan barlyq batys óńirdegi poıyz qozǵalysyn jedel basqarýǵa múmkindik beredi.

Budan basqa, pılottyq polıgondy iske asyrý tasymaldaý protsesin eki deńgeıli basqarýǵa kóshýdi qamtamasyz etedi, tranzıttik poıyzdardyń marshrýttyq jyldamdyǵyn, sondaı-aq lokomotıvter men vagondardyń kepildi ıinderin ulǵaıtýǵa múmkindik beredi, sondaı-aq dıspetcherlik sheńberlerdi qysqartady.

Áli kúnge deıin keıbir jol ýchaskelerinde poıyzdar qozǵalysyn qashyqtyqtan basqarý, baǵdarsham sıgnaldaryn retteý, dıspetcherlik ortalyqtardan poıyzdyq dıspetcherlerdiń joldardaǵy baǵyttamalardy aýystyrý múmkindigi joq. Árıne, 21 ǵasyrdyń naqty ýaqytynda, bul qaıta qaraýdy talap etedi. Sondyqtan osy joba sheńberinde stantsııalarda qosymsha jabdyq (mıkroprotsessorlyq dıspetcherlik ortalyqtandyrý – MPDO) ornatylady, ol osyndaı basqarýdy júrgizýge jáne poıyz dıspetcheriniń monıtorynda naqty ýaqyt rejıminde stantsııalyq joldardaǵy aǵymdaǵy jaǵdaıdy kórsetýge múmkindik beredi.

Poıyz qozǵalysyn basqarýdyń óńirlik ortalyǵyn qurý – poıyz jaǵdaıyn ortalyqtandyrylǵan baqylaýdy jáne barlyq derekterdi biryńǵaı «ujymdyq tabloǵa» kórsete otyryp, poıyz qozǵalysyn basqarýdy qamtamasyz etedi. Nátıjesinde baǵdarshamdardyń, baǵyttamalyq burmalardyń kórsetkishteri, poıyzdyń jaqyndap qalǵany týraly aqparatty berý jáne alý protsesi avtomattandyrylady. Poıyz qozǵalysyn basqarýdy ortalyqtandyrylǵan poıyz dıspetcheri qamtamasyz etedi.

Qazirgi ýaqytta joba boıynsha joǵary nátıjege qol jetti. Osylaısha, MP DO 140 jekelegen pýnktige engizildi. Jelilik-apparattyq zaldarda baılanys jabdyǵy jańǵyrtyldy, sondaı-aq temir joldardyń barlyq aýmaǵynda jyljymaly quramdy baqylaýdyń jáne sıgnal berý men baılanystyń barlyq dıstantsııalary boıynsha tehnıkalyq qujattamany júrgizýdiń avtomattandyrylǵan júıesi engizildi.

Jalpy alǵanda, «Poıyz qozǵalysyn basqarý ortalyǵy» jobasy qoldanystaǵy ınfraqurylymdy jańǵyrtýǵa baǵyttalǵan jáne kompanııanyń damý strategııasynyń maqsattaryna jaýap beredi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT