+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Qazaqstanda paıdalanylmaı jatqan jerlerdi qaıtaryp alý boıynsha Jol kartasy ázirlendi

2019 jylǵy 14 qazan 15:35
Bólisińiz:
Qazaqstanda paıdalanylmaı jatqan jerlerdi qaıtaryp alý boıynsha Jol kartasy ázirlendi

NUR-SULTAN. QazAqparat – Aýyl sharýashylyǵy maqsatyndaǵy paıdalanylmaı jatqan jerdi qaıtaryp alý boıynsha Jol kartasy ázirlendi, dep habarlaıdy QazAqparat tilshisi.

Uqsas jańalyqtar
Jambyl oblysy aýyl sharýashylyǵy ónimin óndirýde aldyńǵy qatarda Býrabaı aýdanynda taýarly-sút fermasy ashyldy – Aqmola oblysy Baıqońyrda aýyl sharýashylyǵy ónimderiniń jármeńkesi ótti

Qoldanystaǵy 2017-2021 jyldarǵa arnalǵan agroónerkásiptik keshendi damytýdyń memlekettik baǵdarlamasy aıasynda 2021 jylǵa qaraı aýmaǵy 610 myń ga bolatyn jańa jerlerdi aınalymǵa engizý boıynsha jumys júrgizilip jatyr. Qazirgi tańda Qazaqstanda 1,4 mln ga sýarmaly jer bar. Eger buǵan qazir josparlap otyrǵan 610 myń ga qosatyn bolsaq, onda 2021 jylǵa qaraı biz 2 mln ga jerge qol jetkizemiz. Ol úshin aýqymdy jumystar atqarylýda», - dedi Saparhan Omarov Úkimettiń baspasóz ortalyǵynda.

Mınıstrdiń aıtýynsha, sýarmaly jerlerdiń kólemin kezeń-kezeńmen arttyrý boıynsha qoıylǵan mindetti iske asyrý jumystary qolǵa alynǵan. Osy maqsatta oblys ákimdikteri Ekologııa, geologııa jáne tabıǵı resýrstar mınıstrligimen birlesip, MJÁ tetigi arqyly jeke áriptestiktiń qatysýymen jańa sýarmaly jerlerdi damytý boıynsha jobalardy iske asyryp, ırrıgatsııalyq jelilerdi salý úshin áleýetti ınvestorlardy anyqtaý ústinde. Osy atalǵan sharalar 2030 jylǵa qaraı sýarmaly jer kólemin 3 mln gektarǵa deıin arttyrýǵa múmkindik berip, aýyl sharýashylyǵy ónimderi kóleminiń 4,5 ese ósimin qamtamasyz etedi.

Sonymen qatar, Aýyl sharýashylyǵy mınıstri Prezıdent Qasym-Jomart Toqaevtyń paıdalanylmaı jatqan aýyl sharýashylyǵy jerlerin óndiristik qyzmetke tartý boıynsha tapsyrmasynyń oryndalý jaıyn baıan etti.

«Atalǵan jumysty mınıstrlik qyzý júrgizip jatyr. Máselen, barlyq zańnamalyq negizder qaıta qarastyrylǵan, qosymsha ózgerister engizý josparlanǵan. Mınıstrlik aýyl sharýashylyǵy maqsatyndaǵy paıdalanylmaı jatqan jerlerdi qaıtaryp alý boıynsha Jol kartasyn ázirledi. Osy Jol kartasy aıasynda aýyl sharýashylyǵy maqsatyndaǵy paıdalanylmaı jatqan jerlerge salynatyn salyq mólsherin kezeń-kezeńmen kóterý josparlanǵan. Qazir oblystyq máslıhattarǵa paıdalanylmaı jatqan jerlerge salynatyn salyqty 10 esege deıin arttyrý boıynsha quqyqtar berilgen. Biz búgingi tańda osy salyq mólsherin 20 eseden 30 esege deıin arttyrýdy kózdep otyrmyz. Mysaly, Reseıde bul salyq qazir 100 esege deıin kóterilgen», - dedi Saparhan Omarov.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT