+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstanda ónerkásipti memlekettik yntalandyrýdyń jańa tásilderi ázirlendi

2021 jylǵy 17 maýsym 13:52
Bólisińiz:
Qazaqstanda ónerkásipti memlekettik yntalandyrýdyń jańa tásilderi ázirlendi

NUR-SULTAN. QazAqparat – Qazaqstanda ónerkásipti memlekettik yntalandyrýdyń jańa tásilderi ázirlendi. Bul týraly QR Indýstrııa jáne ınfraqurylymdyq qamý vıtse-mınıstri Amanııaz Erjanov aıtty, dep habarlaıdy QazAqparat tilshisi.

Vıtse-mınıstr Májiliste ótken dóńgelek ústel barysynda «Ónerkásiptik saıasat týraly» jańa zań jobasyn tanystyra kele depýtattarmen birge ónerkásipti memlekettik yntalandyrý boıynsha jańa tásilder pysyqtalǵanyn aıtty.

«Sonymen, zań jobasynda bul baǵytta mynadaı tásilder usynylady: orta jáne joǵary bólinisterge nazar aýdarý. Onyń aıasynda qosylǵan quny joǵary taýarlardyń basymdyǵy qurylatyn bolady. Básekege qabilettilikti arttyrý týraly kelisim jasasý arqyly yntalandyrý sharalarynyń quramdastyrylǵan paketin alý múmkindigi týyndaıdy. Ónerkásiptik grantty, aýmaqtyq klasterlerdi damytý men eksporttyq-saýdalyq qarjylandyrýdy qamtıtyn yntalandyrýdyń jańa quraldary paıda bolady. Qarsy mindettemeler aıasynda yntalandyrýǵa ıe bolǵan kásiporyndar belgili bir ekonomıkalyq kórsetkishterge qol jetkizetin bolady», - dedi vıtse-mınıstr

Onyń atap ótýinshe, buǵan deıin úkimettik redaktsııada tek qoldaý sharalaryn alýshylardyń qarsy mindettemeleri kózdelse, Májilis depýtattarynyń redaktsııasynan keıin osy bapta qoldaý sharalaryn usyný jónindegi memlekettiń mindettemeleri kórsetilgen.

«Depýtattar tobynyń túzetýleriniń arqasynda biz ónerkásipti memlekettik yntalandyrý sharalaryn júıelendirdik. «Ónerkásipti yntalandyrý sharalary» taraýynda tek tikeleı qarjylyq yntalandyrý sharalary qaldy. Al, yntalandyrýdyń servıstik sharalary zań jobasynyń tıisti taraýlarynda kórsetilgen. Kepildendirilgen tapsyrys, yntalandyrý boıynsha ishki naryqta servıstik qoldaý jáne otandyq óńdelgen taýarlardy eksportqa shyǵarý boıynsha servıstik qoldaý sharalary ótkizý naryqtaryndaǵy jyljytý bólimine, kadrlyq resýrstarmen qamtamasyz etý jáne sheteldik ınvestıtsııalardy tartý normalary ónerkásiptiń tıimdiligi men básekege qabilettiligin arttyrý bólimine aýystyryldy», - dedi Erjan Amanııazov.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT