Qazaqstanda omıkron shtammy anyqtalǵan joq
2021 jylǵy 30 qarasha 12:46

Qazaqstanda omıkron shtammy anyqtalǵan joq

NUR-SULTAN. QazAqparat – Qazaqstanda omıkron shtammy anyqtalǵan joq. Bul týraly QR Densaýlyq saqtaý birinshi vıtse-mınıstri Marat Shoranov aıtty, dep habarlaıdy QazAqparat tilshisi.

«Búginde Qazaqstanda omıkron shtammy anyqtalǵan joq. Vırýsty sekvenatsııalaý jalǵasyp jatyr. Biz bul jumysty aı saıyn turaqty júrgizip kelemiz. Búgin Úkimet otyrysynda atalǵan shtammdardy sekvenatsııalaý jumysyn jalǵastyrý ári jandandyrý týraly qosymsha sheshim qabyldandy. Taıaý ýaqytta, shamamen jeltoqsannyń úshinshi onkúndiginde bul protsedýralardyń nátıjesin biletin bolamyz. Ázirshe tirkelgen jaǵdaılardan omıkron shtamynyń PTR testileýge sezimtal ekendigi, ony anyqtaýǵa bolatyndyǵy belgili. Demek PTR testileý barlyq patsıentten shtammdy anyqtaýǵa múmkindik beredi. Bul úshin vırýs sekvenatsııasyna qosymsha zertteý júrgizý qajet. Bul úlken jumysty qajet etedi. Shamamen 2-4 apta ketedi. Sondyqtan bul jumysty bastadyq. Jeltoqsannyń sońynda Qazaqstan aýmaǵynda aınalymda júrgen shtamm túrlerine qatysty tolyq kartına qolymyzda bolady», - dedi ol Úkimet otyrysynan keıin.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT