+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Qazaqstanda nege Zaǵıptar úıi joq

2019 jylǵy 5 qarasha 17:15
Bólisińiz:
Qazaqstanda nege Zaǵıptar úıi joq

NUR-SULTAN. QazAqparat – Elordadaǵy «Mıras-A» qorynyń prezıdenti Júzbaı Serikuly qoǵam men bılik aldynda osyndaı másele kóterip otyr. Aıtýynsha, kóz janarynan aıyrylǵandardyń keıbiri jalǵyzdyqtan japa shegip, tipti óz-ózine qol jumsaýǵa deıin baratyn kórinedi. Mine, sondyqtan, «bizdiń máselemizdi kópshilik kózimen emes, kókiregimen kóre bilse» deıdi ol.

Birjan Nurymbetov Zaǵıptar úıin salý jaıly: Tolyǵymen qoldaımyz!

Júzbaı Serikulymen elordadaǵy «Nur Otan» partııasynyń respýblıkalyq qoǵamdyq qabyldaýynda tanystyq. Eńbek jáne halyqty áleýmettik qorǵaý mınıstri Birjan Nurymbetovtiń qabyldaýynda azamattardyń biri zeınetaqy, ekinshisi ataýly áleýmettik kómek alý máselesimen, úshinshisi páter boıynsha aldanǵan úlesker retinde júgingen-tin. Kóppen birge «Zaǵıptar úıi» jobasynyń eskızimen Júzbaı Serikuly da kelipti.

«Ózim І toptyń múgedegi bolǵandyqtan, múmkindigi shekteýli jandardyń jaǵdaıyna basa mán beremin. Qoǵamda ártúrli jaǵdaı, san qıly taǵdyr kezdesedi. Mysaly, kóz janarynan aıyrylǵan jandar kómekke óte muqtaj. Kózine ota jasalyp, jalǵyz qalǵan qanshama adamdy kórdim. Osyndaı qıyndyqqa tózbeı óz-ózine qol jumsaı jazdaǵandar bar. Sondyqtan, bizdiń maqsatymyz – jer alyp, ǵımarat salý. Búkil Qazaqstannyń óńirlerinde kóz janarynan aıyrylyp, jalǵyz qalǵan jandar sol jerde ómir súrip, eńbek ete alsa deımin», - deıdi Júzbaı Serikuly.

Qor dırektorynyń sózine qulaq assaq, elimizde Qarttar úıi, Múgedekter jáne Balalar úıi bolǵanymen, kóz janarynan aıyrylǵan adamdarǵa arnalǵan úı joq.

«Álbette, eshkimdi eshkimmen salystyrǵym kelmeıdi. Jobanyń qurylymyn jasap qoıdyq. Ǵımaratty salsaq, onyń ishinde óziniń jattyǵý zaly, oftalmologııasy, ashanasy men akt zaly bolady. Sondaı-aq, zaǵıp jandardyń óz sheberhanasyn da ashsaq deımiz. ıAǵnı, olar óz kásibimen sol jerde aınalysa alsa degen nıet bar. Jobaǵa shamamen 5 mln AQSh dollaryndaı qarajat kerek. Ǵımarat úshin 2 gektar aýmaq qajet», - deıdi ol.


Júzbaı Serikuly keltirgen málimetke sensek, Qazaqstanda qazirgi tańda 25 myń zaǵıp jan bolsa, Nur-Sultanda kóz janarynan aıyrylǵan І jáne ІІ toptaǵy 600 adam bar.

Joba Eńbek jáne halyqty áleýmettik qorǵaý mınıstrine birden unaǵan sekildi. «Bul ıdeıalaryńyz jaqsy. Men qoldaımyn!» dedi senimdi daýyspen Birjan Nurymbetov.

«Qazaqstanda mundaı Zaǵıptar úıi bolmasa, ony bastaý kerek. Sizderge rahmet. Shama-sharqynsha demeýshilerdi tartyp, depýtattarmen, ákimdik ókilderimen kezdesip, jobany bastap jatyr ekensizder. Qoǵamǵa zaǵıptar máselesin jetkizýge tolyǵymen qatysamyz. Qandaı kómek kerek – óz tarapymyzdan tolyǵymen qoldaımyz», - dedi mınıstr.

Salmaqty sert

Osydan keıin ózi emes, ózgeniń taǵdyryna alańdap júrgen Júzbaı Serikulyn áńgimege tartyp kórdik. Qorǵaljynnyń týmasy eken. 2009 jyly «Mıras-A» qoryn ashýyna ómirindegi tosyn oqıǵalar sebep bolǵan.

«Kúzet fırmasyn ashyp, jumys júrgize bastaǵan kezim edi. Bir kúni áke-sheshemniń úıine barǵanymda «qoqys jáshiginiń ishine balany tirideı qaldyryp ketipti» degen áńgimeni estip denem dir ete qaldy. Araǵa bir apta salyp, qaladaǵy mektepterdiń biriniń dırektorymen sóılesip tursam, ol da belgisiz bireýdiń jáshikke sábıdi tirideı tastap ketkenin aıtyp berdi. Taǵy bir sondaı balanyń meshitte qaldyrylǵanyn estidim. Aqyry, perzenthanaǵa baryp, jaǵdaıdy bilmekke bekindim. Dárigerlermen sóılessem, buryn biren-saran kezdeskenimen, qazir óz qazaqtarymyz balalaryn jappaı tastap jatyr eken. Sol kezde maǵan mynadaı oı keldi: «Qudaı meni mundaı jaǵdaıdyń úsheýimen kezdestirip otyr. Demek, men bul qataldyqpen kúresýim kerek». Osy oımen qalanyń búkil perzenthanalaryn aralap shyǵyp, bas dárigerlerine «otkaznoı» atanǵan balalar kezdesse, maǵan habarlasyńdar dep «vızıtkamdy» tastaı berdim», - deıdi Júzbaı Serikuly.

Qolynda azdaǵan dáýleti bar Júzbaı osylaısha, sábılerdi qamqorlyǵyna ala bastaıdy. Aldymen, ol balalardyń tul jetim qalýyna ne sebep bolatynyn bilmekke tyrysypty. Baıqasa, jaı-kúıi joq, tirlikte qınalǵan jas analar kóbinde osyndaı qadamǵa baryp jatatyn kórinedi. Mine, sol úshin Júzbaı balany jetim atandyrmaı, olardyń áke-sheshelerine qarjylaı qoldaý kórsetpekke bekinedi.

«Sábılerdiń analaryna bir jylǵa deıin páter jaldap, jigitimen nemese ata-analarymen qosyp, balanyń jetim atanyp qalmaýyna bar jaǵdaıdy jasaýǵa tyrystyq. Osylaısha, júzden astam balany jetim qalýdan aman alyp qaldyq. Sol balalar qazir 9-10 jasqa kelip qaldy. Kúnderdiń kúninde bul oqıǵalardyń aldyn alý mańyzdy ekenine kózim jete bastady. Sol úshin «Tárbıe jáne taǵylym» atty spektakl daıyndap, búkil mektepke, ýnıversıtetke qoıǵyzdym. Aqyry, qaıyrymdylyq baǵytyndaǵy jumysymyz keń aýqym ala bastady. Osy maqsatta zaǵıp jandardy oqytyp, gazet ashyp, «Bir múmkindik» atty joba bastadyq. Ol joba boıynsha, jasy qyryqtan asqandardyń dástúrli estradalyq, aspaptyq kontsertterin ótkizdik. Bul rette qoldaý bildirgen qalalyq Mádenıet basqarmasyna basshy bolǵan Bolat Majaǵulovqa alǵys bildirgim keledi. Sondaı-aq, qaıyrymdylyq qorynyń ishinen «Shańyraq» atty tanysý buryshyn ashyp, qyzdar men jigitterdiń otbasy qurýyna muryndyq boldyq», - deıdi ol.

2016 jylǵa deıin kóz janary boıynsha ІІІ toptyń múgedegi retinde tirkelgen Júzbaı Serikulynyń kózine eki jyl buryn taǵy eki aýyr ota jasalady. Osydan keıin onyń kózi múlde kórmeı, úıinde birshama ýaqyt jatyp qalypty. Byltyr kózi qaıtadan ashyla bastaǵan eken.

«Aýrýhanada jatqan kezde qanshama adammen kezdestim. Zaǵıp jandardyń keıbirin otbasy tastap ketip, qaıda bararyn bilmeı qınalady eken. Úmiti selge ketip, kóńili qulazyp ketken bireýi tipti ózine qol jumsaı jazdady. Keıbiri amalsyz Qarttar úıin panalaıdy. Olardyń sózi júregimnen ótken kezde «endi ne isteımin» degen oı keldi. Kóz janarynan aıyrylǵan adamdardyń bárin sabyrǵa shaqyryp, «eger Alla násip etip, kózimde kishkene sańylaý ashylsa, Zaǵıptar úıin salýǵa kúsh salamyn» dep ýáde berdim. Mine, jobaǵa osylaı keldim», - deıdi Júzbaı Serikuly.

«Qarańǵydaǵy keshki asqa» kelińiz

13 qarasha – Halyqaralyq zaǵıp jandar kúni. Dál osy kúni Júzbaı Serikuly qalanyń kásipkerleri men Parlament depýtattaryn, jalpy qaıyrymdylyqqa atsalysqysy keletin azamattardy «Qarańǵyda keshki as» keshine shaqyryp otyr. Aktsııa keshki saǵat 18.30-da «Turan» meıramhanasynda ótedi.

«Qazaq jumyla kótergen júk jeńil deıdi. Sol úshin búgin kóptiń aldyna kóz janarynan aıyrylǵan adamdardyń máselesin kótersem deımin. Onda múmkindigi shekteýli azamattar da bolady. Sol jerde «Zaǵıptar úıi» jobasyn tanystyryp, kelýshilerge qarańǵyda keshki as ishkizbekpiz. Dárigerlerdiń ózi qarańǵyda tamaqtanýdyń densaýlyqqa paıdaly ekenin dáleldegen. Sonymen birge, saý adamdar da zaǵıp jandarmen birge qarańǵydaǵy ómirdiń qandaı bolatynyn sezinip kórse eken degen nıet bar. Onda kóz janarynan aıyrylǵan azamattar kontserttik shara ótkizedi. Barlyqtaryńyzdy shaqyramyz», - dep túıdi Júzbaı Serikuly.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT