+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Qazaqstanda NASA-nyń Ortalyq Azııa aımaqtyq aqparat ortalyǵy ashylýy múmkin

2019 jylǵy 18 qyrkúıek 21:46
Bólisińiz:
Qazaqstanda NASA-nyń Ortalyq Azııa aımaqtyq aqparat ortalyǵy ashylýy múmkin

NUR-SULTAN. QazAqparat – Elordada QR Tsıfrlyq damý, ınnovatsııalar jáne aeroǵarysh ónerkásibi mınıstrligi Aeroǵarysh komıtetiniń qoldaýymen AgriTechHub Kazakhstan uıymdastyrǵan Jerdi qashyqtyqtan zondtaý boıynsha halyqaralyq forým aıaqtaldy, dep habarlaıdy QazAqparat tilshisi.

Uqsas jańalyqtar
Qaraǵandyda «Soıýz MS-12» ekıpajyn qarsy aldy BAÁ-niń tuńǵysh ǵaryshkeri mingen kemeniń Jerge oralýy onlaın kórsetiledi Ǵalamsharlardyń birinen sý tabyldy

«Jerdegi ózgeristerdi baqylaý: Sý, energetıka, azyq-túlik qaýipsizdigi jáne Ortalyq Azııa men Kavkazdaǵy turaqty damý» konferentsııasyna NASA shtab-páteriniń ókilderi, Merılend shtatynyń ýnıversıteti, Mıchıgan shtatynyń ýnıversıteti, Elladadaǵy zertteýler jáne tehnologııa ortalyǵy (Grekııa), «Qazaqstan Ǵarysh Sapary» ulttyq kompanııasynyń ókilderi qatysty.

Halyqaralyq konferentsııada Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Marat Nurǵojın sóz sóıledi.

«Ǵaryshtan baqylaý Jerdi monıtorıngileýde kóp múmkindik beredi. Bul jerde baqylaý men navıgatsııa júıesiniń orbıtalyq jáne jer ústi komponentterin qurý ǵana emes, qashyqtyqtan zondpen baqylaýdy tıimdi paıdalanýdy uıymdastyrý, ǵaryshtyq monıtorıng júıesin eldiń áleýmettik-ekonomıkalyq jáne ınnovatsııalyq damýyn jedeldetetin baǵdarlamalarmen biriktirý áldeqaıda mańyzdy», - deıdi vıtse-mınıstr.

Sondaı-aq, vıtse-mınıstr konferentsııada Qazaqstandaǵy ǵarysh salasyn damytý týraly da aıtty. Qazaqstanda zamanaýı ǵaryshtyq ınfraqurylym quryldy, ǵaryshtyq jabdyqtar men tehnologııalardyń otandyq úlgilerin damytýda úlken jetistikterge qol jetti. Olardyń qatarynda jerdi qashyqtyqtan zondtaý ǵarysh júıesi bar. Ol Jerdegi ǵarysh apparattaryn basqarý kesheni men qashyqtyqtan zondtaý ǵarysh kemesinen málimetterdi qabyldaý jáne óńdeýge arnalǵan jerdegi maqsatty keshen eki optıkalyq qurylǵylardyń quramynda sátti jumys isteıdi.

«Bul ǵarysh júıesi Qazaqstanǵa memlekettik jáne jergilikti atqarýshy organdardyń mamandandyrylǵan geoservısterinde ǵaryshtyq monıtorıngti derbes júrgizýge múmkindik berdi, bul aýyl sharýashylyǵy, tótenshe jaǵdaılar, ekologııa jáne tabıǵatty paıdalaný, jerdi paıdalaný, geodezııa, kartografııa, ulttyq qorǵanys jáne basqa da salalardaǵy máselelerdi sheshý úshin qashyqtyqtan zondtaý málimetterine jyldam qol jetkizýge múmkindik beredi», - deıdi Marat Nurǵojın.

Qashyqtyqtan zondtaýǵa qatysty elimizde atqarylǵan jumystarǵa toqtalǵan vıtse-mınıstr sońǵy jyldardaǵy kórsetkishterdi atap ótti. 2018 jyl men 2019 jyldyń ótken kezeńinde ǵaryshtyq monıtorıngiden ondaǵan mıllıard teńge kóleminde aldyn-ala mýltıplıkatıvtik nátıje, sonymen qatar ekonomıkanyń ártúrli salasynyń tıimdiligin arttyrý jáne jaqsartý úshin paıdalanylǵan oń nátıjege qol jetkizildi.


Bizdiń kanalymyzǵa jazylyńyz:

Basty sózder: Ǵarysh, Baıqońyr,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT