+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qazaqstanda munaı-gaz jobalaryndaǵy jergilikti qamtý úlesi qandaı

2021 jylǵy 5 tamyz 17:08
Bólisińiz:
Qazaqstanda munaı-gaz jobalaryndaǵy jergilikti qamtý úlesi qandaı

NUR-SULTAN. QazAqparat - Búgin Qarashyǵanaq ken ornyn keńeıtý jobasynda jergilikti qamtýdy damytý boıynsha onlaın-forým ótti, dep habarlaıdy QazAqparat.

Energetıka mınıstriniń aıtýynsha, búgingi tańda Qazaqstanda úsh jetekshi munaı-gaz jobasynda jergilikti qamtýdy damytý boıynsha jemisti jáne maqsatty jumys júrgizilip jatyr. Nurlan Noǵaev QPO gaz boıynsha óndiristik shekteýlerdi alyp tastaý jónindegi jobany sátti aıaqtaǵanyn, sondaı-aq gazdy keri aıdaýdyń tórtinshi kompressoryn salý boıynsha joba aıaqtalý satysynda ekenin atap ótti.

«Memlekettiń negizgi talaby – jer qoınaýyn utymdy paıdalaný jáne qorshaǵan ortaǵa eń az áser etetin paıdaly qazbalardy óndirýdi qamtamasyz etý. Bul mindetti Úkimet aldyna Elbasy men Qazaqstan Prezıdenti qoıyp otyr», - dedi Nurlan Noǵaev.

Alaıda, júrgizilip jatqan jumysqa qaramastan vedomstvo basshysy iri operatorlardan munaı-gaz jabdyqtary men qosalqy bólshekterdi satyp alý kezinde taýarlardaǵy qazaqstandyq qamtýdyń tómen kórsetkishterine alańdaýshylyǵyn bildirdi. 2011 jyly Qarashyǵanaq jobasyndaǵy taýarlardyń, jumystar men kórsetiletin qyzmetterdiń satyp alýyndaǵy jergilikti qamtýdyń úlesi shamamen 38% qurady, 2020 jyldyń sońyna qaraı kórsetkishter 59% deıin ulǵaıdy. Bul rette taýarlardy satyp alý úshin 2021 jylǵy operatsııalyq málimetter boıynsha qazaqstandyq qamtýdyń úlesi nebary 10,08% quraıdy.

«Bul tapsyrys berýshilerdiń jergilikti tutynýshylardyń barlyq múmkindikterin tolyq paıdalanbaýyna baılanysty. Bul rette, búginde qazaqstandyq kásiporyndardyń kópshiligi munaı-gaz salasynda jumys isteıtin jer qoınaýyn paıdalanýshylar qoıǵan talaptarǵa tolyǵymen saı keledi.

Biz barlyǵymyz osy máseleni sheshý úshin jumys isteýimiz kerek - jergilikti qamtý úlesin arttyrý, sondaı-aq sala qyzmetkerleriniń jalaqysynyń barabar deńgeıin belgileý - bul el basshylyǵy men Úkimetiniń tapsyrmasy», - dedi Nurlan Noǵaev.

Aǵymdaǵy jyly Energetıka mınıstrliginiń bastamasy boıynsha Qazaqstanda munaı-gaz mashınasyn jasaýdy damytýdyń halyqaralyq ortalyǵy ashyldy. Ol QR aýmaǵynda munaı-gaz jabdyǵyn óndirý úshin eleýli qoldaý bolmaq.

«Ortalyq jergilikti qamtýdy arttyrý boıynsha jumysqa jańa oń serpin beredi. Bul bizdiń mınıstrliktiń jumysyndaǵy strategııalyq baǵyttar men basym mindetterdiń biri, ol únemi baqylaýda», - dep qorytyndylady mınıstr.

Forýmǵa QR Energetıka mınıstri Nurlan Noǵaevtan bólek, Batys Qazaqstan oblysynyń ákimi Ǵalı Esqalıev, QPO bas dırektory b.v. Djankarlo Rýıý, bıznes, salalyq qaýymdastyqtar jáne taǵy basqalary qatysty.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT