+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qazaqstanda múgedek balalarǵa shıpajaıǵa tegin joldama berilmek

2021 jylǵy 28 qyrkúıek 14:39
Bólisińiz:
Qazaqstanda múgedek balalarǵa shıpajaıǵa tegin joldama berilmek

NUR-SULTAN. QazAqparat – Úkimet múgedektigi bar adamdardyń ómir súrý sapasyn jaqsartýǵa baǵyttalǵan taǵy bir zań jobasyn qarastyryp jatyr. Bul týraly QR Eńbek jáne halyqty áleýmettik qorǵaý vıtse-mınıstri Erlan Áýkenov aıtty, dep habarlaıdy QazAqparat tilshisi.

Uqsas jańalyqtar

«Qazir Úkimet qaraýynda múgedektigi bar adamdardyń ómir sapasyn jaqsartýǵa baǵyttalǵan zań jobasy jatyr. Ony Parlament Senaty QR Úkimeti janyndaǵy úılestirý keńesimen jáne múgedektigi bar adamdardyń ómir sapasyn jaqsartý jónindegi jumys tobymen birlese otyryp ázirledi. Onda 342 pozıtsııa boıynsha 38 tujyrymdamalyq túzetýmen 82 zańnamalyq aktige usynystar ázirlendi», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, zań jobasynda kemsitýshilik termınderdi alyp tastaý kózdelgen. Atap aıtqanda, «múgedek» termıni «múgedektigi bar tulǵa» termınimen almastyrylady. Sonymen qatar múgedektigi bar bala tárbıelep otyrǵan otbasyǵa «múgedektigi bar bala tárbıelep otyrǵan otbasy» mártebesi beriledi.

«Búginde mundaı mártebe joq. Múgedektigi bar balanyń ata-anasynyń birine nemese qamqorshysyna shıpajaılyq-kýrorttyq emdelýge tegin joldama usynylatyn bolady. Búginde mundaı is-sharada zańnamalyq turǵydabekitilgen. Sonymen qatar syrtaı kýálandyrýdy engizýdi bekitý, múgedektigi bar tulǵany jumysqa ornalastyrý kvotasyn oryndamaǵan jumys berýshiniń mindetti ótemaqy tóleý tetikterin engizý kózdelýde. Bul zańnamada shynymen de óte kóp qosymsha bar jáne taıaý ýaqytta úlken qoǵamdyq tyńdaýda, Parlamentte atalǵan zańdy tanystyratyn bolamyz», - dedi Erlan Áýkenov.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT