+7 (701) 759 90 19
USD 414.46 EUR 451.35
RUB 5.77 CNY 58.12
Jańalyqtar

Qazaqstanda mıkroqarjy uıymdary, lombardtar men onlaın kredıtorlardyń jumysy tekseriledi

2020 jylǵy 30 naýryz 18:47
Bólisińiz:
Qazaqstanda mıkroqarjy uıymdary, lombardtar men onlaın kredıtorlardyń jumysy tekseriledi

NUR-SULTAN. QazAqparat - QR Qarjy naryǵyn retteý jáne damytý agenttigi mıkroqarjy uıymdaryn, lombardtardy jáne onlaın kredıtorlardy tekserýdi bastaıdy, dep habarlaıdy QazAqparat agenttiktiń baspasóz qyzmetine silteme jasap.

«Mıkroqarjy uıymdarynyń, lombardtardyń jáne onlaın kredıtorlardyń zańnama talaptaryna sáıkes kelýi, qarjy pıramıdasynyń belgilerin jáne zańsyz bank qyzmetin anyqtaý turǵysynan lombardtardy tekserýdi qarjy retteýshisi Qazaqstan Respýblıkasynyń Prezıdenti Q.K. Toqaevtyń 2020 jylǵy 26 aqpanda berilgen tapsyrmasyn, sondaı-aq halyqqa tutynýshy nesıesin beretin banktik emes uıymdardyń qyzmetine aýqymdy tekserý júrgizý týraly 2020 jylǵy 23 naýryzdaǵy tapsyrmasyn iske asyrý úshin júrgizedi», elingen habarlamada.

Tekserý naýryz – maýsym aralyǵynda mıkroqarjy uıymdary kóp shoǵyrlanǵan Nur-Sultan, Almaty, Shymkent qalalarynda ótedi. Naýryzda uıymdastyrý máselelersy sheshilip, agenttiktiń, QR Іshki ister mınıstrliginiń, QR Qarjy mınıstrliginiń Memlekettik kirister komıteti qyzmetkerleriniń qatysýymen 39 tekserýshi top qalyptastyryldy.

1 100 lombard tekserilýi tıis (bul respýblıka boıynsha jalpy sanynan 50%-dan asady), onyń ishinde sáýirde – 424, mamyrda – 323, maýsymda – 353 uıym tekseriledi. Sonymen qatar shamamen 50 onlaın kredıtteý sýbektisi jáne 200-ge jýyq mıkroqarjy uıymy tekseriledi.

Birinshi kezekte tekserýshi toptar QR Prezıdentiniń tótenshe jaǵdaıdy engizý nátıjesinde zardap shekken halyqtyń, shaǵyn jáne orta bıznestiń qaryzdary boıynsha negizgi borysh pen syıaqy somalaryn tóleýdi toqtata turý týraly tapsyrmasyn oryndaý turǵysynan tekserý júrgizedi.

«Tekserýge kiristi jylystatý jáne terrorızmdi qarjylandyrýǵa, qarjy pıramıdasyn uıymdastyrýǵa qarsy is-qımyl, borysh júktemesiniń koeffıtsıentine, syıaqynyń jyldyq tıimdi mólsherlemesiniń mólsherine jáne mıkroqaryzdar boıynsha shekti syıaqynyń mánine, syıaqyny, aıyppuldar men ósimpuldardy durys esepteýge, mıkrokredıt boıynsha bereshekti óteý kezektiliginiń tártibine qoıylatyn talaptar bóliginde zańnamany saqtaý týraly derekter de tekseriledi.

Zańnama talaptarynyń saqtalmaýy, qarjy pıramıdasynyń jáne zańsyz bank qyzmetiniń belgileri anyqtalǵan jaǵdaıda uıymdarǵa qyzmetin toqtatýdy qosa alǵanda, zańsyz qyzmeti úshin jaýapkershilikke tartý sharalary qoldanylady», delingen habarlamada.

Agenttik lombardtardyń qyzmetine qoıylatyn birqatar talapty kúsheıtti:

Eń tómengi jarǵylyq jáne menshikti kapıtal talaptary kóterildi, eseptik tirkeý úshin qujattar tizbesi jáne lombardtardyń basshy qyzmetkerleri men quryltaıshylaryna biliktilik talaptary keńeıtildi, lombardtardyń úı-jaılaryna talaptar kúsheıtildi.

Lombardtardy eseptik tirkeýdi jedeldetý boıynsha mynadaı qosymsha sharalar qabyldandy: respýblıkalyq dárejedegi qalalarda jáne oblys ortalyqtarynda – 2020 jyly 1 mamyrǵa deıin, basqa eldi mekenderde – 2020 jylǵy 1 maýsymǵa deıin.

Atalmysh tekserýler men anyqtalǵan buzýshylyqtar týraly aqparat aı saıynǵy negizde finreg.kz jáne fingramota.kz saıtynda, sondaı-aq Qazaqstan qarjygerleri qaýymdastyǵynyń, Qazaqstannyń mıkroqarjy uıymdary qaýymdastyǵynyń, Qazaqstannyń Ulttyq lombardtar lıgasynyń, «FınTeh» Qazaqstan qaýymdastyǵynyń, Ulttyq tutynýshylar lıgasynyń aqparattyq arnalary arqyly jurtshylyqty tarta otyryp buqaralyq aqparat quraldarynda jarııalanatyn bolady.

Jedel jeli telefondary: +7 (727) 2788 144 jáne +7 (727) 2788 122 (jumys ýaqyty: dúısenbi-juma saǵat 09.00 – 17.00 aralyǵy, senbi – 09.00 – 15.00 aralyǵy, jeksenbi – demalys)


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT