+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qazaqstanda medıtsınalyq maska men qorǵaný buıymdaryn eksporttaýǵa tyıym salyndy

2020 jylǵy 20 aqpan 20:55
Bólisińiz:
Qazaqstanda medıtsınalyq maska men qorǵaný buıymdaryn eksporttaýǵa tyıym salyndy

NUR-SULTAN. QazAqparat – Qazaqstanda jeke medıtsınalyq qorǵaný quraldaryn el aýmaǵynan shyǵarýǵa resmı túrde tyıym salyndy, dep habarlaıdy QazAqparat.

Bul týraly QR DSM Taýarlar men qyzmetterdiń sapasy men qaýipsizdigin baqylaý komıteti málimdedi.

«Atalǵan shara ulttyq qaýipsizdik pen QR azamattarynyń densaýlyǵyn qorǵaý aıasynda jasalǵan. QR Premer-Mınıstriniń «QR aýmaǵynda koronavırýstyq ınfektsııanyń paıda bolýy men taralýyna jol bermeý jónindegi sharalar týraly» 2020 jylǵy 29 qańtardaǵy ókimine sáıkes, sondaı-aq Qytaı Halyq Respýblıkasynda jáne basqa da elderde koronavırýstyq ınfektsııanyń jańa túriniń (2019-nSov) taralýyna baılanysty, qoǵamdyq densaýlyq saqtaý salasynda tótenshe jaǵdaılardyń týyndaýyn boldyrmaý úshin jáne ınfektsııanyń taralýynyń aldyn alý maqsatynda qolǵa alynǵan», - delingen komıtet habarlamasynda.

Komıtet tóraǵasy QR aýmaǵynan jeke qorǵaný quraldaryn – respıratorlar, qorǵaný kózildirikteri, I-II tıpti nemese bir rettik qorǵaný kostıýmderi (obaǵa qarsy), medıtsınalyq maskalar, respıratorlyq maskalar, halattar men qolǵaptardy respýblıka aýmaǵyna áketýge tyıym salý týraly buıryq shyǵardy.

«Bul tyıym álemdegi koronavırýs ınfektsııasy boıynsha epıdemıologııalyq jaǵdaıdyń asqynýy kezinde el halqynyń sanıtarlyq-epıdemıologııalyq densaýlyǵyn qamtamasyz etýge múmkindik beredi», - deıdi komıtet.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT