+7 (701) 759 90 19
USD 385.01 EUR 425.78
RUB 6.05 CNY 54.68
Jańalyqtar

Qazaqstanda mashına jasaıtyn kásiporyndarǵa salyqtyq jeńildikter berilmek

2019 jylǵy 12 qyrkúıek 12:20
Bólisińiz:
Qazaqstanda mashına jasaıtyn kásiporyndarǵa salyqtyq jeńildikter berilmek

NUR-SULTAN. QazAqparat – Mashına jasaý salasyn damytýdy kózdeıtin, 2019-2024 jyldarǵa arnalǵan Jol kartasy boıynsha qazaqstandyq mashına jasaýshy jáne quraýshy kásiporyndarǵa birqatar jeńildikter men basymdyqtar berilgeli otyr. Bul týraly Nur-Sultanda ótip jatqan Qazaqstan mashına jasaýshylarynyń VII forýmynda Indýstrııa jáne ınfraqurylymdyq damý mınıstri Amanııaz Erjanov aıtyp berdi, dep habarlaıdy QazAqparat tilshisi.

Uqsas jańalyqtar
Qazaqstanda mashına jasaý óndirisi artyp keledi Eýrazııalyq odaq ortaq brendpen jumys isteýdi usyndy Indýstrııalandyrý aıasynda mashına jasaý salasynda 114 joba iske asty - mınıstr

«Kórshi Reseı memleketi avtoóndirýshi kásiporyndarǵa basa mańyz berip, olarǵa salyqtyq jeńildikter berip qoıǵan. Máselen, onda jolaýshylarǵa arnalǵan mashınalardy jasaýshylar qosymsha qun salyǵynan bosatylǵan. Osy jeńildikter men memlekettik qoldaýǵa qaıtarym retinde reseılik kásiporyndardyń ózindik mindeti de barshylyq. Kórshi eldiń tájirıbesin eskere otyryp, mashına jasaýshylardy qoldaýǵa arnalǵan Jol kartasyn qabyldadyq. Atlamysh qujat kelesi jeńildikterdi qarastyrǵaly otyr: birinshiden, mashına jasaıtyn kásiporyndarǵa salyqtyq jeńildikter beriledi. Buǵan qaıtarym retinde kásiporyndarǵa mindettemeler júkteledi. Bul baǵyttaǵy qadam salaǵa jańa ınvestorlardy tartyp, óndiris kólemine qosymsha 80-100 mlrd teńgelik ósimdi qamtamasyz etedi», - dedi vıtse-mınıstr.

Amanııaz Erjanov sondaı-aq, salany keshendi túrde damytý úshin arnaıy «Ónerkásiptik saıasat jáne ónerkásiptik damý qoryn qurý týraly» zań jobasy ázirlenetinin atap ótti.

«Atalǵan sharalar júrgizilip jatqan ónerkásiptik saıasattyń tıimdiligin arttyrýǵa múmkindik beredi. Úshinshiden, shıkizattan daıyn ónimge deıingi naqty óndiristik qatardy qalyptastyrýǵa kúsh salý kerek. Osy rette reseılik tájirıbe boıynsha otandyq kásiporyndardy QQS-tan bosatý jáne olarǵa shıkizatty arzan baǵamen berý ádisin engizgen jón bolady», - dedi ol.

Eske sala ketsek, Nur-Sultanda Qazaqstan mashına jasaýshylarynyń VII forýmy ótip jatyr. Forýmdy QR Indýstrııa jáne ınfraqurylymdyq damý mınıstrligi men Qazaqstan mashına jasaýshylar odaǵy, «Samuryq-Qazyna» UÁQ» AQ uıymdastyrǵan. Bıyl forým «Mashına jasaý – Qazaqstandy ındýstrııalandyrý draıveri» uranymen ótedi.

Jyl saıyn forýmǵa Germanııa, AQSh, Japonııa, Italııa, Chehııa, Reseı, Qytaı sekildi iri 20 memlekettiń delegattary qatysady. Osylaısha, otandyq kásiporyndar elden shyqpaı-aq sheteldik áriptesterimen kezdesý ótkizýge múmkindik alady.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT