+7 (701) 759 90 19
USD 426.39 EUR 504.16
RUB 5.87 CNY 66.28
Jańalyqtar

Qazaqstanda mal baǵasy qalaı qubylyp tur

2021 jylǵy 19 shilde 18:25
Bólisińiz:
Qazaqstanda mal baǵasy qalaı qubylyp tur

NUR-SULTAN. QazAqparat – Eldiń birneshe eldi mekeninde qýańshylyq tirkelýine baılanysty bıyl mal baǵasy qymbattaı túsedi degen boljam qazirden aıtylyp jatyr. Naryqtaǵy jaǵdaıǵa qýańshylyqtyń qalaı áser etip jatqanyn bilý úshin birneshe óńirdiń turǵyndaryna suraý salyp kórgen edik. QazAqparat tilshisi qýańshylyq jáne Qurban aıt qarsańynda óńirlerdegi mal baǵasyna sholý jasaǵan edi.

Uqsas jańalyqtar
ShQO-da aýyl sharýashylyǵy ónimderiniń eksporty 4 esege artpaq SQO-da dıqandar ár gektardan shamamen 11 tsentnerden ónim alyp jatyr Dándi jáne dándi-burshaqty daqyldardyń 81.3 % jınaldy - QR AShM

Nur-Sultan qalasynda toqtynyń eń tómengi baǵasy 40 myń teńgeden bastalatyn kórinedi. Et saýdasymen aınalysatyndar qurbandyqqa arnalǵan erkek qoılardyń baǵasy jasyna qaraı 90 myńǵa deıin barady dep otyr. Jyl saıyn Qurban aıt kezinde mal ákelip, satyp júrgenderdiń kóbi mal baǵasy merekeniń alǵashqy eki kúninde aýytqıtynyn, úshinshi kúni negizgi naryqtaǵy baǵasyna qaıtatynyn aıtty.

«Qurban aıt bastalǵan kúni qaltalylar kelip baǵany belgilep ketedi deýge bolady. Astanada baǵany kóteretin solar. Aqsha men maldyń bet-júzine qaramaı, aıtylǵan baǵaǵa ala salady. Qymbat baǵa solaı qalyptasady», - deıdi et satýshylardyń biri.

Elordada ázirge sıyr baǵasy 300-400 myń aralyǵynda. Jylqy baǵasy negizinen jasyna qaraı 300-500 myń arasynda qubylyp tur. Et saýdagerleri toı-tomalaqtyń jıilep, búkil salada qymbatshylyq ornaýyna baılanysty qylquıryqtyń baǵasy 700 myń teńgege deıin jetkenin aıtady.

Shyǵys Qazaqstanda sıyr baǵasy jasyna qaraı 250 myń teńgeden 350 myń teńgege deıin barady. Qurbandyqqa arnalǵan isek qoılardyń baǵasy 60 myńnan bastalyp tur. Toqty baǵasy munda da 40 myń teńgeden bastalady. Jylqy baǵasy 350 myń teńgeden 1 mln teńgege deıin sharyqtap tur.

Birneshe aýdanynda jut bolyp jatqan Mańǵystaý oblysynda ásirese jylqynyń baǵasy quldyrap ketken. Jergilikti sharýalar qýańshylyqtan eń kóp qyrylyp jatqan da osy jylqy dep otyr. Óıtkeni bul óńirde tekti janýarǵa azyq bolatyn shóp ejelden sırek ósetin kórinedi.

Qazir áleýmettik jelide qulynnyń bir basyna 40-50 myń teńge surap turǵan habarlandyrýlar kóp tarap jatyr. Biz telefon arqyly sóılesken turǵyndardyń bári ol jarnamalardyń shyn ekenin rastady. Qulyn enesin qaqtap emip, kúıin ketiretin bolǵandyqtan, mal ıeleri tezirek qutylýǵa asyǵyp otyrǵan kórinedi. Sonymen qulyn baǵasy 40 myńnan bastalsa, eresek jylqy 300 myń teńgeden aspaı tur munda. Sıyr baǵasy 300-400 myń kóleminde bolsa, túıe baǵasy 500 myń teńgeden bastalady. Saýyn túıelerdiń baǵasy 700 myń teńgeniń mańaıynda.

Jergilikti turǵyndar bergen málimet boıynsha, Pavlodar oblysynda mal baǵasy mynadaı:

Іri qara.

Taıynsha – 280 myń teńge, sıyr 330-400 myń teńge, saýyn sıyrlardyń baǵasy – 500 myń teńge.

Jylqy.

Taı - 260-400 myń teńge, baıtaldar - 400-600 teńge, dónen, bestiler - 500-600 myń teńge, bıe men aıǵyr - 700 myń - 1 mln teńge.

Qoı.

Qoı baǵasy aýylda 50 myń, toqty 45 myń teńge. Al qalada 70 myń shamasynda.

Soltústik Qazaqstan turǵyndarynyń bergen deregine súıensek, bazarda qoı etiniń kelisi - 2,5 myń teńgege jetken. Qurban aıt qarsańynda toqtylardy 35 myń teńgeden bastap satyp jatyr. Jalpy orta baǵa byltyrǵymen birdeı – 50 myń teńge shamasynda kórinedi. Qyzyljar ortalyq meshiti qoıdyń baǵasyn bıyl 65 myń teńge dep, qara maldy 350 myń teńge dep bekitken. Al Qambar ata túligine kelsek, taıdyń ortasha baǵasy 400 myń. Biraq 350, 380 myń teńgege de tabýǵa bolady.

Al Shymkent bazarlaryndaǵy baǵa mynadaı:

Qoı baǵasy 50 myń teńgeden bastalady. «Saýdalasýǵa ıkemińiz bolsa, odan túsirýge bolady», - deıdi jergilikti turǵyndar.

Bul jaqta mal saýdasynyń damyǵany sonsha, Qurban aıtqa dep arnaıy semirtilgen qoshqarlardy Almatydan ákelip beretinder bar. Onyń baǵasy 70 myń teńgeden bastalyp, 130 myń teńgege deıin barady. Ásirese Edilbaı tuqymdy, tegene quıryq qoılardyń baǵasy joǵary. Іri qaraǵa kelsek, torpaqtardyń baǵasy 225 myń teńgeden bastalady. Buzaýlardyń baǵasy 110 myńnan joǵary.

Taılar – 125 myń teńgeden, eresek jylqy 400-550 myń tegeden satylyp jatyr. Eń joǵary baǵa 1,5 mln teńgege deıin barady.

Jambyl oblysynda sıyr baǵasy jasyna qaraı 150-250 myń teńgeden bastalady.

Qoı baǵasy bazarda 35-50 myńnan bastalyp tur. Qylquıryq baǵasy 300 myńnan ári qaraı ketedi.

Qyzylorda oblysynda mal baǵasy tómendegideı:

Jylqy. Taılar 230 myńnan joǵary. Bestiden úlken jylqy túliginiń baǵasy 950 myńǵa deıin barady. Ógiz baǵasy 280-380 myń arasynda. Qoı baǵasy 50 myńnan tómen emes.

Almaty oblysynda qoı - 50 myńnan bastalsa, jylqy baǵasy 300 myńnan joǵary. Іri qaranyń baǵasy jasyna qaraı 230 myń teńgeden ári qaraı óse beredi.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT