+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Qazaqstanda maqta óndirýshilerdi qoldaıtyn jańa baǵdarlama jasaqtalýda

2019 jylǵy 10 qarasha 00:42
Bólisińiz:
Qazaqstanda maqta óndirýshilerdi qoldaıtyn jańa baǵdarlama jasaqtalýda

NUR-SULTAN. QazAqparat – Qazaqstanda maqta óndirýshilerdi qoldaıtyn jańa baǵdarlama jasaqtalýda. Osy maqsatta Aýyl sharýashylyq mınıstrliginde arnaıy jumys toby qurylǵan. Bul týraly QR Aýyl sharýashylyǵy vıtse-mınıstri Rústem Qurmanovtyń maqta óndirýshilerimen kezdesýinde belgili boldy, dep habarlaıdy QazAqparat AShM baspasóz qyzmetine silteme jasap.

Uqsas jańalyqtar
Ońtústikte maqtanyń tonnasy 150 myń teńgeden qabyldanyp jatyr Jetisaılyq sharýalar jıyn-terim naýqany aldynda ózekti máselelerdi talqylady Jetisaılyq sharýalar sýdan tapshylyq kórmeıdi – aýdan ákimdigi

Jıyn barysynda maqta óndirýshileri kezdesetin kedergilerdi keńinen aıtty. Solardyń biri QR Aýyl sharýashylyǵy mınıstrliginiń 2018 jylǵy 12 shildedegi №297 buıryǵyna sáıkes maqta óńdeý zaýyttaryna tapsyrylǵan shıtti maqtanyń 1 tonnasyna 12 myń teńge sýbsıdııa tólenedi. Biraq, búginde taýaróndirýshilerden jınalǵan shıtti maqtanyń 56%-y maqta óńdeý zaýyttaryna, al 46%-y satyp alýshy uıymdarǵa (treıderlik kompanııalar) tapsyrylǵan. Bul rette, satyp alýshy uıymdarǵa tapsyrǵan agroqurylymdardyń shıtti maqtasyna sýbsıdııa tóleýge múmkindik joq. Atalmysh máseleniń mán-jaıyn jiti tyńdaǵan Rústem Qurmanov sheshý jolyn aıtty.

«Shıtti maqtany tasymaldaý qıyn bolǵandyqtan maqtashylar amalsyzdan treıderlik uıymdarǵa júginedi. Olar óz kezeginde shıkizatty óńdeý úshin otandyq maqta zaýyttaryna jetkizedi. Sondyqtan sýbsıdııalaý Erejesine ózgerister engizemiz, onda treıderlerdi de sýbsıdııalaýdy qarastyramyz. Buıryq qazirdiń ózinde memlekettik organdarǵa jiberildi. Tez arada qabyldanýyn qadaǵalaımyz», - dedi vıtse-mınıstr. Sondaı-aq, kezdesýde Túrkistan oblysynyń ákimdigimen birlesip «Maqta salasyn damytý týraly» QR Zańynyń kúshin joıý, «Agroónerkásiptik keshen salasyndaǵy daıyndaýshy uıymdarǵa eseptelgen qosylǵan qun salyǵy sheginde bıýdjetke tólengen qosylǵan qun salyǵy somasyn sýbsıdııalaý» qaǵıdasynyń 2-qosymshasynda aıqyndalǵan tizimdegi 32 ónimniń qataryna maqta sharýashylyǵynyń ónimderin qosý, Memlekettik qyzmetterdi damytý jáne AÓK tsıfrlandyrý departamenti «Aqparattyq-esepteý ortalyǵy» AQ-men birlese otyryp, satyp alynǵan ujymdyq sharýashylyqtardy ıntegratsııalaý máselesin pysyqtaý, «Agrarlyq nesıe korporatsııasy» AQ qarapaıym zattardyń ekonomıkasy jobasy sheńberinde daıyndaý uıymdaryna kredıt berý múmkindigin qarastyrý suraqtary qarastyryldy.

Aýyl sharýashylyǵy vıtse-mınıstri Rústem Qurmanov maqta óndirýshileri kótergen suraqtar qaraýsyz qalmaıtynyn aıtty. Sondaı-aq, qazirdiń ózinde barlyq máseleler boıynsha jumys bastalyp ketkenin jáne atalmysh suraqtar QR Aýyl sharýashylyǵy mınıstri Saparhan Omarovtyń jiti baqylaýynda bolatynyn málimdedi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT