Qazaqstanda lokdaýn engizile me – QR DSM jaýaby
2022 jylǵy 18 qańtar 20:39

Qazaqstanda lokdaýn engizile me – QR DSM jaýaby

NUR-SULTAN. QazAqparat – QR Densaýlyq saqtaý mınıstri Ajar Ǵınııat elde koronavırýsqa qatysty epıdahýaldyń nasharlaýyna baılanysty lokdaýn engizý máselesi týraly aıtty, dep habarlaıdy QazAqparat tilshisi.

«Búginde el aýqymynda lokdaýn engizý josparlanyp otyrǵan joq, qarastyrylyp ta jatqan joq. Biz qoldanyp otyrǵan barlyq shekteý sharalary densaýlyq saqtaý júıesine júktemeni azaıtýǵa, koronavırýs ınfektsııasynan bolatyn ólim-jitimdi azaıtýǵa, shuǵyl kómektiń barlyq halyqqa qoljetimdi bolýyna baǵyttalǵan», - dep jaýap berdi Ajar Ǵınııat Ortalyq kommýnıkatsııalar qyzmetinde.

Mınıstr aldaǵy ýaqytta shekteý sharalary ár óńirdegi epıdemıologııalyq jaǵdaıǵa baılanysty túrli deńgeıde qoldanylatynyn aıtty.

«Osy jyldar ishinde biz boljam jasaýdy jáne shekteý sharalaryn josparlaýdy úırendik», - dedi Densaýlyq saqtaý mınıstri.

Aıta keteıik, Qazaqstanda koronavırýstyń órshýine baılanysty qosymsha shekteý sharalary engizildi.


Jańalyqtar

MURAǴAT