+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Qazaqstanda LinkedIn áleýmettik jelisi buǵattaldy

2021 jylǵy 27 shilde 14:23
Bólisińiz:
Qazaqstanda LinkedIn áleýmettik jelisi buǵattaldy

NUR-SULTAN. QazAqparat – Elimizde iskerlik baılanys nómirlerdi izdeý men ornatýǵa arnalǵan LinkedIn áleýmettik jelisiniń jumysy toqtatyldy, dep habarlaıdy QazAqparat.

Uqsas jańalyqtar
Depýtat Sberbankpen tsıfrlyq úkimet platformasyn qurý týraly kelisimge alańdaýshylyq tanytty

Jeli qoldanýshylary onyń kesheden (26 shilde) bastap jumys istemeı turǵany týraly shaǵym túsirip jatyr.

QR Aqparat jáne qoǵamdyq damý mınıstrligi LinkedIn áleýmettik jelisi jumysynyń toqtatylýyn ınternet resýrsy tarapynan oryn alǵan tártip buzýshylyqpen túsindirdi.

«LinkedIn ınternet resýrsyna monıtorıng júrgizý barysynda birneshe zańbuzýshylyq anyqtaldy. Atap aıtqanda, ınternet-kazınony jarnamalaý jáne bireýlerdiń atynan jalǵan akkaýnttar ashý. Atalǵan zańbuzýshylyqtar Qazaqstan Respýblıkasynyń zańnamalyq talaptary men qatar LinkedIn ınternet resýrsynyń ishki erejelerine de qaıshy keledi», - delingen atalǵan vedomstvonyń baspasóz habarlamasynda.

Mınıstrliktiń málimetinshe, LinkedIn jelisin qoldanýshylarǵa arnalǵan kelisimde ınternet resýrsta jarııalanatyn aqparat zańdy ári ras bolýy tıis jáne ol úshinshi jaqtyń quqyǵyna qaıshy kelmeýi kerek.

Sondaı-aq, atalǵan áleýmettik jeli erejesine sáıkes, qoldanýshylardy shatastyryp, jalǵan aqparat taratýǵa jáne qumar oıyndardy jarnamalaýǵa tyıym salynady.

«Osy oraıda mınıstrlik QR «Baılanys» týraly» zańynyń 41-1 babynyń 3-1 tarmaǵyna sáıkes, zańbuzýshylyqtyń oryn alǵanyn anyqtap, LinkedIn ınternet resýrsynyń ákimshiligine atalǵan olqylyqty joıý týraly habarlama jiberdi. Ókinishke qaraı, jeli ákimshiligi tarapynan zańbuzýshylyq áli kúnge deıin joıylǵan joq» - delingen aqparatta.

Aqparat jáne qoǵamdyq damý mınıstrligi óz kezeginde LinkedIn jelisin qoldanýdaǵy zańbuzýshylyq joıylyp, qalpyna kelgen jaǵdaıda onyń jumysy elimizde jalǵasa beretinin alǵa tartty.

LinkedIn – iskerlik baılanys nómirlerin izdeý men ornatýǵa arnalǵan áleýmettik jeli. Internet resýrsta 70 mln adam tirkelgen, álemniń 200 elinen bıznestiń 150 salasy usynylǵan. Saıt álemniń 24 tilinde qoljetimdi.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT