Qazaqstanda kúsh qurylym qyzmetkerleri aqyly joldarda tegin júredi
2022 jylǵy 25 mamyr 16:33

Qazaqstanda kúsh qurylym qyzmetkerleri aqyly joldarda tegin júredi

NUR-SULTAN. QazAqparat – Aqyly joldarda tegin júrý normasy ekinshi dúnıejúzilik soǵys ardagerleri men kúsh qurylym qyzmetkerlerine tirkelgen avtokólikterge qatysty bolady. Bul týraly kólik máselelerine arnalǵan zań jobasyn túsindirý kezinde Májilis depýtaty Albert Raý aıtty, dep habarlaıdy QazAqparat tilshisi.

«Aqyly joldarmen tegin júrý normasy Ekinshi dúnıejúzilik soǵys ardagerlerine jáne qyzmetin atqaryp júrgen kúsh qurylym qyzmetkerlerine tirkelgen avtokólikterdi qamtıdy. Elimizde ardagerler sany jyl saıyn azaıyp keledi. Biz olarǵa teńestirilgender sanatyn da qarastyryp otyrmyz. Qazirgi kezde tıisti esepteýler júrip jatyr», - dedi A. Raý Májiliste tilshiler saýalyna jaýap bere otyryp.

Budan buryn habarlanǵandaı, Májiliste «QR keıbir zańnamalyq aktilerine kólik máselesi boıynsha ózgerister men tolyqtyrýlar engizý týraly» zań jobasy birinshi oqylymda maquldandy. Zań jobasy Qazaqstan Respýblıkasynyń 4 kodeksi jáne 16 zańyna ózgertýler men tolyqtyrýlar engizýdi kózdeıdi.

QR Indýstrııa jáne ınfraqurylymdyq damý mınıstri Qaıyrbek Óskenbaev halyqtyń áleýmettik osal toptaryna qoǵamdyq kólikte júrýge jeńildik beretin normalar engiziletinin aıtty.


Avtor:
Tilshi

Jańalyqtar

MURAǴAT