Jańalyqtar  >

Qazaqstanda krıpto jáne Fiat valıýtasyn aıyrbastaý deldalsyz júrgiziledi – Jasulan Mádıev

2022 jylǵy 29 qyrkúıek, 13:08
Qazaqstanda krıpto jáne Fiat valıýtasyn aıyrbastaý deldalsyz júrgiziledi – Jasulan Mádıev

ASTANA. QazAqparat – Qazaqstanda krıpto jáne Fiat valıýta aıyrbastaý deldalsyz júrgiziletin bolady. Bul týraly Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Jasulan Mádıev aıtty, dep habarlaıdy QazAqparat tilshisi.

Aıta keterligi, búgin Májilistiń Ekonomıkalyq reforma jáne óńirlik damý komıteti otyrysynda «Qazaqstan Respýblıkasynyń tsıfrlyq aktıvteri týraly» zań jobasy tanystyrylǵan bolatyn.

Ol mınıstrlik tsıfrlyq aktıvter salasyndaǵy ýákiletti organ retinde osy ındýstrııany júıeli damytý jónindegi bastamalardy qoldaıtynyn atap ótti.

«Atalǵan zań jobasynan basqa osy baǵytta birneshe bastama iske qosyldy. AHQO aıasynda ilki jobany iske qosý óte mańyzdy baǵyt sanalady. Onda birneshe krıptobırja lıtsenzııa alyp, tirkeldi. Іlki jobaǵa ekinshi deńgeıdegi banktermen ózara is-qımyl jasaı otyryp qatysady. Olar qazir osy krıptofıat arnasyn ashý úshin tolyq ıntegratsııalaý jumysyn júrgizip jatyr. ıAǵnı, krıptovalıýtany úshinshi taraptardyń qatysýynsyz qarapaıym aqshaǵa jáne keri aıyrbastalýy úshin. Bul mundaı operatsııalardyń qunyn arzandatady, komıssııalar alynyp tastalady. Іlki joba AHQO-da ornatylǵan osy bırjalardyń jumysyn retteýdegi kemshilikterdi anyqtaýǵa kómektesedi. Joba jyl sońyna deıin jalǵasady», - dedi Jasulan Mádıev.

Onyń aıtýynsha, kelesi jyly Qazaqstan aýmaǵynda krıptobırja jumysynyń sapaly rettelýin baıqaýǵa bolady.

Krıptovalıýta - bul shyǵarylýyn ortalyq bank nemese eldiń aqsha aınalymynyń basqa retteýshisi qatyspaıtyn aktıv.

Fıat - ony shyǵaratyn memleket qunyn qamtamasyz etetin valıýta túri.


Uqsas jańalyqtar
Seriktester jańalyqtary

Jańalyqtar