Qazaqstanda kreatıvti ındýstrııa uǵymy zańnamalyq turǵyda bekitiledi
2022 jylǵy 21 maýsym 17:05

Qazaqstanda kreatıvti ındýstrııa uǵymy zańnamalyq turǵyda bekitiledi

NUR-SULTAN. QazAqparat – Kreatıvti ındýstrııalar qyzmetiniń túrlerin sanatqa bólý úshin ádisnamalyq tásilder qurylady.

Bul týraly Parlament Májilisinde Memleket basshysynyń jekelegen tapsyrmalaryn iske asyrý máseleleri boıynsha zań jobasy tanystyrý kezinde QR Ulttyq ekonomıka vıtse-mınıstri Abzal Ábdikárimov aıtty, dep habarlaıdy QazAqparat tilshisi.

«Kreatıvti ındýstrııany quqyqtyq retteý maqsatynda kreatıvti ındýstrııa uǵymyn aıqyndaýdy zańnamalyq turǵydan bekitý, osy sýbektilerdiń qyzmetin retteýdiń negizgi qaǵıdattaryn, tásilderi men ólshemsharttaryn belgileý, sondaı-aq kreatıvti ındýstrııa qyzmetiniń túrlerin sanatqa bólý úshin ádisnamalyq tásilderdi qalyptastyrý usynylady», - dedi Abzal Ábdikárimov.

Munymen qosa, memlekettik qyzmet isteri agenttiginiń usynysy negizinde zań jobasynda:

- bos laýazymǵa tikeleı taǵaıyndaý;

- Memlekettik qyzmet isteri agenttigimen «B» korpýsynyń laýazymdaryna qoıylatyn biliktilik talaptaryn kelisý;

- Prezıdent aktisi deńgeıinde memlekettik qyzmetke irikteý kezeńderi men tártibin aıqyndaý;

- qyzmetshiler jumysynyń tıimdiligin toqsan nemese aı saıyn baǵalaýdy engizý boıynsha birqatar túzetýler kórsetilgen.

Budan buryn habarlanǵandaı, Búgin Parlament Májilisinde «Qazaqstan Respýblıkasynyń keıbir zańnamalyq aktilerine Memleket basshysynyń jekelegen tapsyrmalaryn iske asyrý máseleleri boıynsha ózgerister men tolyqtyrýlar engizý týraly» zań jobasy tanystyryldy.

https://www.inform.kz/qz/bir-kozden-memlekettik-satyp-aluga-katysty-ozgerister-bolady_a3946849


Seriktester jańalyqtary

Jańalyqtar

Úrdis

MURAǴAT