Qazaqstanda korporatıvtik hatshylar men Dırektorlar keńesiniń músheleri oqytylady
2022 jylǵy 15 aqpan 11:15

Qazaqstanda korporatıvtik hatshylar men Dırektorlar keńesiniń músheleri oqytylady

NUR-SULTAN. QazAqparat - Qazaqstanda korporatıvtik hatshylar men Dırektorlar keńesiniń múshelerin oqytý kýrstaryn ashý kózdelip otyr.

Bul týraly óziniń Facebook-tegin paraqshasynda QR Bilim jáne ǵylym mınıstri Ashat Aımaǵambetov jazdy, dep habarlaıdy QazAqparat.

«Prezıdenttik jastar kadrlyq rezerviniń (PJKR) ókilderimen kezdesý ótkizdim. Ondaı jıyn dástúrge aınalyp keledi.

Osyǵan deıin rezervshiler tizimi bekitilgen bette qatysýshylarmen tanysyp, olardy bilim jáne ǵylym salasynda jumys isteýge shaqyrǵanbyz.

Búginde Bilim jáne ǵylym mınıstrliginde 7 rezervıst jumys isteıdi, sondaı-aq 18-i BǴM vedomstvolyq baǵynyshty uıymdarynda Dırektorlar keńesiniń quramyna kiredi.

Kezdesýde PJKR músheleri suraqtaryn qoıyp, usynystaryn aıtty. Solardyń biri - bilim jáne ǵylym salalaryn tsıfrlandyrý, mektepterde birlese kásiptik dıagnostıka men tekserýlerdi qamtıtyn kásiptik baǵdar jumysyn júrgizý.

Sonymen qatar rezervshiler korporatıvtik hatshylardy oqytý máselesin kóterdi. Nátıjesinde korporatıvtik hatshylar men Dırektorlar keńesiniń múshelerin oqytý kýrsyn bastaımyz dep kelistik.

Aldaǵy ýaqytta da PJKR qatysýshylaryn mınıstrliktiń jumysyna tartýdy jalǵastyratynymyzdy atap ótkim keledi»,-dep jazdy mınıstr.


Jańalyqtar

Úrdis

MURAǴAT