+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

Qazaqstanda koronavırýstan qorǵaný týraly arnaıy qaýly qabyldandy

2020 jylǵy 19 aqpan 15:54
Bólisińiz:
Qazaqstanda koronavırýstan qorǵaný týraly arnaıy qaýly qabyldandy

NUR-SULTAN. QazAqparat - Búgin túngi saǵat 00:00-de QR Bas sanıtarynyń koronavırýsqa qatysty arnaıy qaýlysy kúshine enedi, dep habarlaıdy QazAqparat tilshisi.

Uqsas jańalyqtar
Koronavırýs týraly jalǵan aqparat taratqan Shymkent turǵyny keshirim surady SQO-da koronavırýstyń aldyn alý maqsatynda arnaıy jospar ázirlendi Koronavırýs: Qaraǵandy densaýlyq saqtaý basqarmasy maskalar tapshylyǵyna qatysty túsinikteme berdi

Bul týraly QR Densaýlyq saqtaý mınıstrliginiń resmı ókili Dıas Ahmetshárip aıtyp berdi.

«17 aqpanda QR Bas sanıtarlyq dárigeriniń qaýlysy shyqty. Qaýly búgin túngi saǵat 00:00-de kúshine enedi. Bul koronavırýsqa qarsy profılaktıkalyq sharalardy kúsheıtýge baǵyttalǵan», - dedi resmı ókil Ortalyq kommýnıkatsııalar qyzmetinde ótken baspasóz máslıhatynda.

Osy qaýlyǵa sáıkes, shet elderden kelip jatqan azamattar úsh topqa bólip qarastyrylady.

«6 aqpannan bastap Qytaı jerinde bolǵan azamattar mindetti túrde 14 kún statsıonarǵa karantınge jatqyzylady. Qosymsha taǵy 10 kún dáriger qadaǵalaýynda bolady. Ekinshi top - koronavırýsty onnan astam adam juqtyrǵan qalalardan, elderden kelgen azamattar. Olar 14 kún úı karantınine jatqyzylady jáne taǵy 10 kún jergilikti mekenjaıy boıynsha dáriger qadaǵalaýynda bolady», - dedi D. Ahmetshárip.

Úshinshi topta onnan az naýqas tirkelgen elderden kelgen azamattar qarastyrylady. Olar turǵylyqty jeri boıynsha 24 kún dáriger baqylaýynda bolady.

«Bul tártipti buzǵandar QR Ákimshilik quqyq buzý kodeksiniń 462-babyna saı jaýapkershilikke tartylady, aıyppul salynady. Karantındegi adamdardy jergilikti ýchaskelik dárigerler men polıtsııa ókilderi kún saıyn qadaǵalap otyrady. Úı karantıninde otyrǵan azamattar eń aldymen jaqyndary men dostaryn oılaýy tıis jáne karantın talaptaryn qatań saqtaýy kerek. Ázirge indet órship turǵan elderge shyqpaýlaryńyzdy, saparlaryńyzdy keıinge shegerýdi suraımyz», - dedi Dıas Ahmetshárip.

Aıta keteıik, Qytaıda jańa koronavırýstan qaıtys bolǵandar sany 2 myń adamnan asty . Sońǵy derekter boıynsha, QHR-da koronavırýs juqtyrǵandar sany 74185 adamdy qurap otyr, qaıtys bolǵandar sany – 2004, emdelip shyqqandar – 14376 adam. Qazirgi ýaqytta naýqastarmen tyǵyz baılanysta bolǵan 135 myń adam medıtsınalyq baqylaýǵa alynǵan.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT