+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

Qazaqstanda koronavırýs indetinen qaza tapqandardy jerleý algorıtmi aıqyndaldy

2020 jylǵy 31 naýryz 18:40
Bólisińiz:
Qazaqstanda koronavırýs indetinen qaza tapqandardy jerleý algorıtmi aıqyndaldy

NUR-SULTAN. QazAqparat - QR Bas memlekettik sanıtarııalyq dárigeri Aıjan Esmaǵambetova koronavırýs indetinen qaza tapqandardy jerleý algorıtmi aıqyndalǵan qaýly shyǵardy, dep habarlaıdy QazAqparat tilshisi.

Atalǵan qaýlynyń qosymshasyna sáıkes, COVID-19-ǵa kúdikti adam qaıtys bolǵanda epıdemıologııalyq tekserý jáne osy jaǵdaıǵa baılanysty basqa da is-sharalar epıdemııaǵa qarsy rejım talaptaryn saqtaı otyryp tez arada júrgiziledi. SOVID-19 dıagnozy zerthanalyq rastalǵan jaǵdaıda qaıtys bolǵan adamnyń denesi ashylmaıdy jáne týystaryna berilmeıdi. Al, COVID-19-ǵa kúdikti qaıtys bolǵanda máıit zerthanalyq zertteý nátıjesi shyqqansha týystaryna berilmeıdi.

COVID-19-dan qaıtys bolǵan adamnyń máıitin jerleýge (jýýǵa) daıyndaý aldynda qaıtys bolǵan adamnyń betine vırýlıtsıdti quralǵa molynan sýlanǵan maskany (sýlyqty) qoıý qajet.

Tabytsyz (ulttyq ádet-ǵuryp boıynsha) kómgen kezde COVID-19-dan qaıtys bolǵan naýqastyń máıitin jýý prozektýrada júrgiziledi. Máıitti jýýǵa tartylǵan adamdar (3 adamnan artyq emes) jeke qorǵanysh quraldaryn kıedi (aljapqyshy bar sý ótkizbeıtin halat, kózildirik, maska, qolǵap), dezınfektsııalaý eritindisimen jýady jáne paıdalanylatyn preparattyń nusqaýlyǵyna sáıkes kontsentratsııadaǵy tıisti vırýlıtsıdti dezınfektsııalaý eritindisi sińdiriletin mataǵa (kebin) oraıdy. Sodan keıin dene polıetılen plenkamen oralyp, tyǵyz mataǵa oralady. Jerleý kezinde aqyretti ashýǵa jáne qaıtys bolǵan adamnyń betin ashýǵa tyıym salynady. Týystarymen qoshtasý jerleý is-sharasyn (janaza, «otpevanıe» jáne t.b.) júrgizý úshin máıitti keminde 3 metr qashyqtyqta berýge ruqsat etiledi, bul rette máıit marqummen qoshtasý ornynda 1 saǵattan artyq bolmaýy tıis. Jerleý rásimine bir ǵana dinı qyzmetkerdiń qatysýy tıis.

Tabytpen kómgen kezde qaıtys bolǵan adamnyń máıiti paıdalanylatyn preparattyń nusqaýlyǵyna sáıkes kontsentratsııadaǵy tıisti vırýlıtsıdti dezınfektsııalaý eritindisi sińdirilgen mataǵa oralady. Sodan keıin dene polıetılen plenkamen oralyp, qaıtadan tyǵyz mataǵa oralady. COVID-19-dan qaıtys bolǵan adamnyń máıiti jerleıtin jerge metall nemese tyǵyz jabylǵan aǵash tabytta tasymaldanady.

Jerleý rásimi kezinde dene jabyq bolýy kerek, tabyt ta qaqpaǵymen jabylýy kerek. Jerleý rásimine tek jaqyn týystary ǵana jiberiledi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT