Qazaqstanda kompıýter tehnıkalarynyń óndirisi artyp keledi
2021 jylǵy 22 aqpan 12:13

Qazaqstanda kompıýter tehnıkalarynyń óndirisi artyp keledi

NUR-SULTAN. QazAqparat – 2020 jyly Qazaqstanda tsıfrlyq esepteýish mashına shyǵarý 6 esege artty, dep habarlaıdy QazAqparat energyprom.kz portalyna silteme jasap.

2021 jyldyń alǵashqy aıynda Qazaqstanda 538 tsıfrlyq esepteýish tehnıka shyǵaryldy. Bul ótken jyldyń dál sondaı aıyndaǵy kórsetkishten 3,6 paıyzǵa artyq. Osy rette 2020 jyldyń qańtarynda ónimniń jyldyq quldyraýy 64,8 paıyz mólsherinde baıqalǵan edi.

Byltyr 59,3 myń esepteýish mashınasy shyǵaryldy, bul 2019 jylmen salystyrǵanda 6 ese kóp. Ótken jyly tsıfrlyq esepteýish tehnıkalary óndirisiniń basym bóligi Almaty qalasynda shoǵyrlandy. Bul qalada 58,1 myń qurylǵy shyǵaryldy. Kórsetkish 2019 jylmen salystyrǵanda 6,8 ese joǵary. Al Qaraǵandy oblysynda 1,1 myń, Nur-Sultanda 124, Jambyl oblysynla 24 esepteýish mashınasy qurastyryldy.

QR Indýstrııa jáne ınfraqurylymdyq damý mınıstrliginiń aqparatyna sáıkes, elimizdegi tarıhy tereń, eń kóne zaýyttardyń biri - Petropavl qalasyndaǵy S.M. Kırov atyndaǵy zaýyt ZIKComputers markasymen kompıýterlik tehnıka shyǵara bastady. Tutynýshylarǵa otandyq Zik kompıýterleriniń 7 túri usynyldy. Olardy qazirdiń ózinde kaspi.kz jáne ForteMarket arqyly satyp alýǵa bolady. Jaqyn arada otandyq kompıýterlerdi «Qazposhtanyń» barlyq bólimshelerinen de alýǵa bolatyn bolady.

ZIKcomputers jelisiniń óndiristik qýaty - jylyna 100 000 birlik kompıýterlik tehnıka. Kompıýterlik tehnıkany daıyndaýǵa arnalǵan komponentterdi seriktesteri - elektronıka, kompıýterlik tehnıka jáne serverlik jabdyqtar óndirisinde 30 jyldyq tájirıbesi bar Great Wall kompanııasy jetkizedi.


Jańalyqtar

MURAǴAT