+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstanda kómirsýtekterdi barlaý jáne óndirý quqyǵyna arnalǵan elektrondy aýktsıon ótedi

2021 jylǵy 25 qańtar 09:32
Bólisińiz:
Qazaqstanda kómirsýtekterdi barlaý jáne óndirý quqyǵyna arnalǵan elektrondy aýktsıon ótedi

NUR-SULTAN. QazAqparat - Kómirsýtekterdi barlaý jáne óndirý quqyǵyna arnalǵan onlaın aýktsıon 2021 jylǵy 23 sáýirde ótedi, dep habarlaıdy QazAqparat Energetıka mınıstrliginiń baspasóz qyzmetine silteme jasap.

«Barlaý jáne óndirý quqyǵyn 15 ýchaske boıynsha ótkizý josparlap otyrǵan elektrondyq aýktsıonǵa qatysýǵa ótinimdi 25 naýryzyna deıin elektrondyq aýktsıon operatorynyń saıtyna jiberýge bolady. Saýda-sattyq 23 sáýirde, saǵat 10:00-de bastalyp, 17:00-de aıaqtalady», delingen habarlamada.

Aýktsıonnyń onlaın translıatsııasy Energetıka mınıstrliginiń saıtynda, sondaı-aq vedomstvonyń áleýmettik jelidegi akkaýnttarynda uıymdastyrylady.

Jer qoınaýyn paıdalaný quqyǵy beriletin ýchaskelerdiń ataýlarymen vedomstvo saıtynda tanysýǵa bolady.

«Aýktsıon arqyly jer ýchaskesine menshik quqyǵy emes, belgili bir merzimge jer qoınaýyn paıdalaný quqyǵy beriletindigin atap ótý mańyzdy. Bul «Jer qoınaýy jáne jer qoınaýyn paıdalaný týraly» kodeksimen retteledi, ýchaskelerdegi kez-kelgen tehnologııalyq protsess tek Energetıka mınıstrligi janyndaǵy Barlaý jáne ıgerý jónindegi ortalyq komıssııanyń maquldaýymen múmkin bolady.

Jer qoınaýyn paıdalaný quqyǵyn alǵan ınvestor jergilikti atqarýshy organmen jerdi jaldaý shartyna qol qoıady. Jobalyq qujatty ázirleý aldynda árbir jer qoınaýyn paıdalanýshy jergilikti turǵyndardyń qatysýymen qoǵamdyq tyńdaýlar ótkizýge mindetti», delingen habarlama.

Vedomstvonyń málimdeýinshe, aýktsıonnan túsken barlyq qarajat memlekettik bıýdjetti toltyrady.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT