Qazaqstanda qolma-qol aqshasyz tólemder kólemi ósti

NUR-SULTAN. QazAqparat - Qolma-qol aqshasyz tólemder kólemi ótken jylmen salystyrǵanda 2,7 esege artyp, aıyna 1,6 trln teńgeni qurady, dep habarlaıdy QazAqparat finprom.kz saıtyna silteme jasap.

Uqsas jańalyqtar

TJ kezeńindegi ekonomıkany qoldaý sharalary qandaı

Ulttyq kompanııalar taza kiristerinen 100 paıyzǵa deıin memleketke dıvıdent tóleýi tıis - Toqaev Aqmola oblysynda qolǵa arnalǵan antıseptık shyǵaryla bastady Brent markaly munaı baǵasy 10% quldyrady

Qazaqstanda tólem kartochkalaryn qoldaný arqyly taýarlar men qyzmetterge aqy tóleýge arnalǵan ınfraqurylym jaqsy damyǵan. Banktik qyzmetterdi tsıfrlandyrýdyń ósýimen halyqtyń onlaın tólemderine qyzyǵýshylyǵy da edáýir ósken. Qolma-qol aqshasyz tólemder qarqyndy ósýde. Bıyl qańtar aıynda ol 1,6 trln teńgeni qurady. Bul ótken jyldyń sáıkes kezeńimen salystyrǵanda, 2,7 ese kóp.

Aıta ketý kerek, osy jyldyń qańtar aıynda qolma-qol jasalmaıtyn tólemder somasy 2016 jyldyń 12 aıynyń mólsherinen asyp tústi.

Jalpy, 2019 jyly eldegi qolma-qol aqshasyz tólemder kólemi 2,4 ese ósip, 13,3 trln teńgeni qurady. 2018 jyly bul kórsetkish 5,5 trln teńge bolǵan. Qazaqstan Respýblıkasy Ulttyq bankiniń málimeti boıynsha, 2019 jyly 96,4 myń kásipker 134,5 myń saýda núktelerine 161,7 myń POS-termınal ornatqan. 2018 jylǵy kórsetkishtermen salystyrǵanda kásipkerler sany 17%, saýda oryndarynyń sany 22%, POS-termınaldar sany birden 27% óskeni baıqalady.

Aǵymdaǵy jyldyń qańtar aıynda qolma-qol jasalmaıtyn tólemderdiń eń kóp mólsheri ınternet jáne uıaly telefon arqyly júzege asyrylǵan: ol 1,2 trln teńge nemese jalpy kólemniń 74,3%-y. Bul rette jyl ishinde jasalǵan tólemder 3,3 eseden astam ósti. Internet jáne uıaly telefon arqyly jasalǵan bir operatsııanyń ortasha somasy 15,7 myń teńgeni quraıdy.

POS-termınaldar arqyly júrgizilgen qolma-qol aqshasyz tólemder somasy 2019 jyldyń sáıkes kezeńimen salystyrǵanda 81,2% ósip, 392.3 mlrd teńgeni qurady. Bankomattar arqyly qolma-qol aqshasyz tólemder somasy jylyna 3,8% -ǵa tómendep, 14.9 trln teńgeni qurady.