Qazaqstanda kólik alýdyń arnaıy baǵdarlamasy boıynsha ótinim qabyldaıtyn platforma iske qosylady
ASTANA. QazAqparat – Kólik alýǵa jeńildikpen nesıe berý baǵdarlamasy boıynsha ótinimderdi qabyldaý platformasy iske qosylady. Bul týraly «Ónerkásipti damytý qory» AQ basqarýshy dırektory Ǵalymjan Ádı aıtty, dep habarlaıdy QazAqparat tilshisi.
«Bıylǵy 6 aqpanda «Ónerkásipti damytý qory» AQ («Qazaqstannyń Damý Banki» AQ enshiles uıymy) kólik alýǵa jeńildikpen paıyzy tómen nesıe berý baǵdarlamasy boıynsha ótinimderdi qabyldaý úshin pılottyq platformany iske qosady», - dedi Ǵalymjan Ádı elordada ótken baspasóz máslıhatynda.
Ótinimderdi qabyldaý Astana ýaqyty boıynsha saǵat 10:00-de www.autonesie.kz resmı saıty arqyly júrgiziledi. Osy oraıda ótinim berý úshin kompıýter arqyly elektrondyq tsıfrlyq qoltańbany engizip, qosylýǵa bolady. Platformada tek Qazaqstan Respýblıkasynyń aýmaǵynda tirkelýge múmkindik bar.
«Saıtta ótinim bergen kezde ótinish berýshiniń derekteri avtomatty túrde ETsQ arqyly qalyptasady. Ótinish berýshi mindetti túrde telefon nómirin engizip, avtokólik óndirýshi kompanııany tańdap, ótinimge qol qoıady. Ótinimniń tirkelýi barysy saıttaǵy «jeke kabınet» arqyly tekseriledi», - delingen atalǵan qordyń málimetinde.
Qazirgi kezde «Ónerkásipti damytý qory» AQ-da jınaqtalǵan qarajat somasy 7,6 mlrd teńgege jetti. Osy oraıda pılottyq platforma kelesi aptada iske qosylǵan kezde 761 adam tirkele alady. ıAǵnı 761 adam tolyq tirkelsa, platformada ótinim qabyldaý avtomatty túrde toqtaıdy.
«Keıin atalǵan platformada ótinim qabyldaý aı saıyn júrgiziledi jáne 100-den astam adamdy tirkeýge múmkindik beredi», - dep atalyp ótken taratylǵan habarlamada.
Kólik alýǵa jeńildikpen nesıe berý baǵdarlamasy boıynsha burynǵy sharttar ózgerissiz qaldy:
- bir avtokóliktiń quny 15 mln teńgeden aspaıdy;
- qarjylandyrý somasy 10 mln teńgeden artyq emes;
- qarjylandyrý merzimi 7 jyldan aspaıdy;
- bastapqy jarna - 0 paıyz.
Aıta keteıik, adamdaryń ótinimderi úsh sebep boıynsha qabyldanbaýy múmkin.
