+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Qazaqstanda qoǵamdyq baqylaý isi zańmen retteletin bolady

2020 jylǵy 23 qazan 13:10
Bólisińiz:
Qazaqstanda qoǵamdyq baqylaý isi zańmen retteletin bolady

NUR-SULTAN. QazAqparat – Aqparat jáne qoǵamdyq damý mınıstri Aıda Balaeva Prezıdenttiń qoǵamdyq baqylaý týraly zań ázirleý tapsyrmasy qalaı oryndalyp jatqanyn aıtyp berdi, dep habarlaıdy QazAqparat tilshisi.

Uqsas jańalyqtar
Hokkeı: «Barys» «Lokomotıvten» ese qaıtardy Nur-Sultanda mas kúıde kólik aıdaǵan áıel júrgizýshi kýáliginen aıyryldy Qazaqstanda etnıkalyq qaqtyǵystardyń aldyn alýdy kózdeıtin jobalar júzege asyrylýda

Memleket basshysy Qasym-Jomart Toqaev memlekettik organdar men kvazımemlekettik sektordyń ashyqtyǵy men qoǵamǵa esep berýin arttyrýǵa baǵyttalǵan «Qoǵamdyq baqylaý týraly» zańdy ázirleý jóninde tapsyrma bergen bolatyn.

Aqparat jáne qoǵamdyq damý mınıstri Aıda Balaeva Prezıdent Joldaýynyń negizgi erejelerin túsindirý jóninde OKQ-da ótken baspasóz máslıhatynda búgin de qoǵamdyq baqylaýdyń ártúrli nysandary qoǵamdyq keńester, memlekettik qyzmetter, ekologııa, jer qoınaýyn paıdalaný jáne basqa da qyzmetter týraly birqatar zańnamalyq aktilermen retteletinin atap ótti. Alaıda búgin qoǵamdyq baqylaý qaǵıdalaryn bir júıege keltirip, onyń qoldanys aıasyn arttyratyn biryńǵaı bekitilgen qurylym túzýshi naqty erejeleri joq. Osyǵan baılanysty qoǵamdyq baqylaý týraly jańa zańnyń asa qajettiligi týyndap otyr. Bul Konstıtýtsııada jáne konstıtýtsııalyq zańdarda, sondaı-aq naqty zańdar men erejelerde bekitilgen qoǵamdyq baqylaý qaǵıdattaryn qurylymdaýǵa jáne olardyń qoldanylýyn arttyrýǵa múmkindik beredi.

«Arnaıy jumys toby quryldy. Zań jobasy qoǵamdyq baqylaýdyń eń mańyzdy degen prıntsıpterin bekitedi. Atap aıtqanda, adam jáne azamattar quqyǵynyń basymdyǵy, qoǵamdyq baqylaý sýbektileriniń ashyqtyǵy men obektıvtiligi, qoǵamdyq baqylaýǵa kedergi keltirýge jol bermeý, olardyń qyzmeti týraly aqparattyń qoljetimdiligi jáne taǵy basqa máseleler qamtylady. Árıne, qujat jobasy daıyn bolǵan soń, ol mindetti túrde keń aýqymdy qoǵamdyq talqylaýǵa usynylady», - dep atap ótti Aıda Balaeva.

Mınıstrdiń sózinshe zańdy qabyldaý 2021 jyldyń maýsymyna josparlanyp otyr.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT