+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstanda klımattyq ózgerister boıynsha óńirlik hab qurylady

2021 jylǵy 16 maýsym 11:55
Bólisińiz:
Qazaqstanda klımattyq ózgerister boıynsha óńirlik hab qurylady

NUR-SULTAN. QazAqparat - QR ekologııa, geologııa jáne tabıǵı resýrstar mınıstri Maǵzum Myrzaǵalıev «Qazaqstan men AQSh saýda-ekonomıkalyq qatynastaryna 30 jyl» atty Qazaqstan-Amerıka ınvestıtsııalyq forýmynyń otyrysyna qatysty, dep habarlaıdy QazAqparat atalǵan vedomstvonyń baspasóz qyzmetine silteme jasap.

Maǵzum Myrzaǵalıev «Energetıka jáne taý-ken ónerkásibi (jasyl tehnologııalar jáne sırek kezdesetin metaldar)» Paneldik sessııasynyń jumysyna qatysty. Mınıstr óz sózinde «jasyl» tehnologııalar naryǵyn damytý úshin Qazaqstan Ekologııalyq kodeks, jańartylatyn energııa kózderin paıdalanýdy qoldaý týraly Zań jáne «jasyl» ekonomıkaǵa kóshý tujyrymdamasy sııaqty birqatar normatıvtik qujattardy qabyldaǵanyn aıtty.

Sonymen qatar AQSh Prezıdentiniń klımat jónindegi arnaıy ókili Djon Kerrımen onlaın kezdesý barysynda qazaqstan tarapy Qazaqstanda klımat máseleleri boıynsha Ortalyq Azııanyń óńirlik habyn qurý týraly bastama kóterdi. Maǵzum Myrzaǵalıev Qazaqstanda jańa ken oryndaryn (lıtıı oksıdi, quramynda osmıı totyǵy bar mys qumtas, sondaı-aq quramynda tantal bar kender, onyń ishinde ilespe nıobıı bar) ashý perspektıvalary bar ekenin atap ótip, osy jobalardy iske asyrý úshin AQSh-pen yntymaqtastyqty keńeıtý múmkindigin quptady.


Sondaı-aq Maǵzum Myrzaǵalıev Tesla, Lucid Motors, Nikola sııaqty amerıkalyq elektromobıldik kompanııalardyń jetekshi rólin, GM, Ford sııaqty iri avtoóndirýshilerdiń elektr qozǵaltqyshtaryna kóshý jónindegi uzaq merzimdi strategııalaryn eskere otyryp, qazaqstan tarapy lıtıı-ıondy akkýmýlıatorlar óndirýge arnalǵan zaýyttar salý boıynsha amerıkalyq tarappen yntymaqtasýǵa daıyn ekenin atap ótti.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT