+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qazaqstanda kedeılik shegi eń tómengi kúnkóris deńgeıine deıin ulǵaıtylýy múmkin

2019 jylǵy 9 jeltoqsan 12:03
Bólisińiz:
Qazaqstanda kedeılik shegi eń tómengi kúnkóris deńgeıine deıin ulǵaıtylýy múmkin

NUR-SULTAN. QazAqparat – Parlament Májilisiniń depýtaty Gúlshara Ábdiqalyqova kedeılik shegin odan ári eń tómengi kúnkóris deńgeıine deıin ulǵaıtý týraly aıtty, dep habarlaıdy QazAqparat tilshisi.

Uqsas jańalyqtar
Kókshetaýda múmkindigi shekteýli jandarǵa arnalǵan sport kesheni ashyldy

«Búgingi tańda Qazaqstanda kedeılikti baǵalaýdyń deńgeıi – eń tómengi kúnkóristiń 70 paıyzy (20 789 teńge). Halyqaralyq sarapshylar kedeılik sheginiń ońtaıly deńgeıi eń tómengi kúnkóris deńgeıi bolyp tabylatynyn atap ótti. Bizdiń oıymyzsha, kedeılik shegin odan ári eń tómengi kúnkóris deńgeıine deıin ulǵaıtýdy qamtamasyz etýge múmkindik beretin teńdestirilgen qarjy-ekonomıkalyq model qurý memlekettik organdardyń ózekti mindetteriniń biri bolýǵa tıis. Bul rette eń tómengi kúnkóris shamasynyń ózi halyqtyń naqty satyp alý qabiletine sáıkes kelýge jáne adamnyń barynsha az qajettilikterine jaýap berýge tıis. Bul jumys bastalyp ketti. Osy jyldyń 1 sáýirinen bastap ataýly áleýmettik kómek kórsetý ólshemsharty eń tómengi kúnkóristiń 50-den 70 paıyzyna deıin ulǵaıtylǵanyn, al tabysy az otbasynan shyqqan árbir balaǵa áleýmettik kómektiń kepildi mólsheri belgilengendigin bilesizder», - dedi G. Ábdiqalyqova Májilistegi Úkimet saǵatynda.

Osy oraıda, ol bul qadam ataýly kómektiń mólsherin 2,5 ese arttyrýǵa múmkindik berdi.

Sonymen qatar, depýtat tabysy az azamattardy qoldaý salasynda oryn alǵan kemshilikterge toqtaldy.

«Bir qaraǵanda bári jaqsy sııaqty. Alaıda tabysy az azamattardy qoldaý sharalaryn iske asyrý jańa formattaǵy ataýly kómektiń tıimdiligin tómendetetin birqatar eleýli kemshilikterdi anyqtady. Birinshi kezekte, memlekettik organdar oqıǵalardyń bulaı órbýine daıyn emes bolyp shyqty. Júıeli jumystyń bolmaýy saldarynan jaǵymsyz aspektilerge tap boldyq. Bul – jumys izdeý ýájiniń azaıýy, áleýmettik qamsyzdandyrýdy uzaq ýaqyt paıdalaný nıeti, áleýmettik kómekti kóbirek alý maqsatynda otbasy mártebesin nemese turǵylyqty jerin formaldy túrde ózgertý.

Jergilikti jerlerde ákimdikter tabysy az azamattardyń problemalaryn sheshýge kelgende ómirlik qıyn jaǵdaıǵa ákep soqqan sebepterge tereń úńilmeıdi. Mınıstr óz sózinde atap ótkendeı, atalǵan jaǵdaıdy sheshý úshin sharalar qabyldanyp, áleýmettik kómekke muqtajdyqty aıqyndaý, ýchaskelik komıssııalardyń rólin kúsheıtý ólshemsharttary bekitildi.

Otbasyn jekedara alyp júrý tetigi otbasyn áleýmettik qoldaýdyń jańa formatynyń túıindi elementi bolýǵa tıis», - dedi depýtat.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT