+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Qazaqstanda qaıtalama baspana naryǵynda baǵa birtindep tómendeıdi

2020 jylǵy 31 qazan 12:24
Bólisińiz:
Qazaqstanda qaıtalama baspana naryǵynda baǵa birtindep tómendeıdi

NUR-SULTAN. QazAqparat - Qazaqstanda qaıtalama baspana naryǵynda baǵa birtindep tómendeıdi. Mundaı pikirdi Qazaqstan Rıeltorlary birlesken qaýymdastyǵy prezıdentiniń keńesshisi Nına Lýkıanenko bildirdi, dep habarlaıdy QazAqparat tilshisi.

Uqsas jańalyqtar
Nurly jer: Aqmola oblysynda 60 otbasy baspanaly boldy SQO ákimdigi qar ústine tóselgen asfaltqa qatysty jaǵdaıdy túsindirdi «Aqtóbe-Qandyaǵash» tasjolynyń qurylysy bıyl bastalady

«Eger osy jyldaǵy jyljymaıtyn múlik naryǵyn saralaıtyn bolsaq, onda Qazaqstanda aı saıyn búkil el aýmaǵynda 21-22 myń málimet jasalatyndyǵyn atap ótken oryndy. Bul rette vırýstyń taralýyna baılanysty álemdegi ahýaldyń mámilelerge de óz áserin tıgizgendigin atap ótken oryndy. Osy jyldyń kókteminde elimizde qatań karantın sharalarynyń engizilýine baılanysty adamdar shektelgen keńistikte qalýǵa májbúr boldy jáne nysanǵa baryp kórý, notarıýs arqyly mámile jasap, ony tirkeý múmkindiginen aıyryldy. Sonyń saldarynan elimizde mámileler sany 5 211-ge deıin qysqardy. Al mamyrdaǵy bul kórsetkish 17 210 mámileni qurady», - dedi Nına Lýkıanenko.

Onyń atap ótýinshe, maýsymda baspana satyp alý-satý mámilesi kúrt artyp, 32 121-ge jetti. Al shildede 26 688, tamyzda 30 172, qyrkúıekte 35 359 mámile jasaldy.

«Osy kórsetkishten-aq mámileler sany jyljymaıtyn múlik mámileleriniń ortasha aılyq standartty mólsherinen aıtarlyqtaı joǵarylaǵandyǵyn baıqaýǵa bolady. Degenmen, karantın sharalarynyń, ekonomıkalyq ahýaldyń aıasynda jekelegen árbir otbasynyń qarjylyq jaǵdaıy jaqsara túspegeni belgili. Tipti halyqtyń tólem qabileti tómendegeni de sózsiz. Bul oraıda mámileler sanynyń kúrt artýy olardy rásimdeýge múmkindik bolmaǵan kezde jınaqtalyp qalǵan suranystyń júzege asyrylýy esebinen qalyptasqanyn baıqaýǵa bolady», - dedi ol.

Nına Lýkıanenko qazirgi ýaqytta baspana baǵasynyń kúrt ózgeriske ushyraýyna eshqandaı alǵyshart joq ekendigin aıtady.

«Biraq, qaıtalama baspanaǵa qatysty jalpy tendentsııa taıaý jyldardyń ishinde baıaý tómendeýge baǵyt alatyn bolady. Al jańadan salynǵan úılerdiń quny dollar baǵasyna baılanysty aldaǵy ýaqytta da óse beredi. Óıtkeni, qurylys materıaldarynyń negizgi úlesi shetelden valıýtaǵa satyp alynady», - dedi Qazaqstan Rıeltorlary birlesken qaýymdastyǵy prezıdentiniń keńesshisi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT