+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaqstanda qatań karantın sharalary kúshine endi

2020 jylǵy 5 shilde 00:00
Bólisińiz:
Qazaqstanda qatań karantın sharalary kúshine endi

NUR-SULTAN. QazAqparat - Búginnen bastap elde koronavırýs ınfektsııasynyń taralýyna jol bermeý maqsatynda birqatar shekteý sharalary kúshine endi, dep habarlaıdy QazAqparat tilshisi.

Uqsas jańalyqtar
Maska taqpaǵandarǵa 80 myń teńgege jýyq aıyppul salynady Búginnen bastap Qazaqstanda qatań karantın taǵy 2 aptaǵa sozyldy Atyraýda saıabaqtar men jaǵalaýǵa barýǵa tyıym salyndy

Aıta keteıik, 2 shilde kúni QR Premer-Mınıstri Asqar Mamınniń tóraǵalyǵymen ótken Memlekettik komıssııa otyrysynda QR Prezıdenti Qasym-Jomart Toqaevtyń tapsyrmasyna sáıkes Qazaqstandaǵy epıdemıologııalyq ahýaldy turaqtandyrý sharalary qaralǵan bolatyn.

Osy keńeste memkomıssııa 5 shildeden bastap 14 kúnge qatań shekteý sharalaryn engizý jóninde sheshim qabyldady.

14 kúnge sozylatyn karantın barysynda QR Bas memlekettik sanıtar dárigeriniń qaýlysyna sáıkes, elder tizimin kóbeıtpeı, halyqaralyq áýe qatynasy saqtalatyn boldy. Óńirler arasyndaǵy áýe qatynasy, temir jol qatynasy saqtalǵanymen, naqty shekteý sharalary qoldanylady.

Óńirler arasyndaǵy jolaýshylar avtobýsy qatynasy ýaqytsha toqtatyldy. Qala ishindegi qoǵamdyq kóliktiń jumysyna da ýaqyt boıynsha shekteý engizildi. Máselen, erteńnen bastap elordada aldaǵy 2 aptaǵa qoǵamdyq kólik qozǵalysy toqtatylady.

Oıyn-saýyq, sport jáne basqa da buqaralyq is-sharalardy, sondaı-aq otbasylyq, eske alý sharalaryn ótkizýge tyıym salyndy. Ashyq aýada jattyǵý jasaýǵa ruqsat etilgenimen, turǵyndardyń kóshede, saıabaqta, skverlerde 3 adamnan artyq serýendeýine shekteý engizildi. 65 jastan asqan adamdardyń syrtqa shyǵýyna tyıym salyndy.

Sulýlyq salondary, shashtaraz, sport zaldary, fıtnes ortalyqtar, basseınder, azyq-túlik jáne azyq-túliktik emes jabyq bazarlar, jaǵajaılar, akvaparkter, mádenıet nysandary, mýzeıler, kórmeler, forýmdar, konferentsııalar jáne ózge de uıymdastyrylǵan buqaralyq is-sharalar, oıyn-saýyq ortalyqtary, mektepke deıingi balalar mekemeleri (kezekshi toptardan basqa), dinı nysandar jáne t. b. (SOSO-daǵy oıyn-saýyq ortalyqtary, oıyn-saýyq nysandary (karaoke, bılıard, kompıýter klýbtary, boýlıng ortalyqtary), kınoteatrlar, balalardy saýyqtyrý lagerleri, fýdkorttar, banket zaldary) qyzmetine tyıym salyndy.

Memlekettik organdardyń (uıymdardyń), keńselerdiń, ulttyq kompanııalardyń jáne ózge de uıymdardyń qyzmetkerleriniń keminde 80 paıyzynyń qashyqtan jumys isteý rejımi saqtalatyn bolady.

Aldyn ala jazylý boıynsha medıtsına ortalyqtarynyń, dárihanalardyń, azyq-túlik dúkenderiniń, ashyq bazarlardyń qyzmeti jalǵasady.

Kúsheıtilgen sanıtarlyq-dezınfektsııalyq rejımdi saqtaı otyryp, ashyq aýada qoǵamdyq tamaqtaný nysandary; úzdiksiz óndiristik aınalymy bar qurylys, ónerkásip kásiporyndary; ashyq aýadaǵy qurylys jumystary; aýyl sharýashylyǵy, balyq sharýashylyǵy jáne mal sharýashylyǵy jumystary; halyqqa qyzmet kórsetý salalary, onyń ishinde avto jýý, avtomobılderdi jáne turmystyq tehnıkany jóndeý, HQO-lar, ekinshi deńgeıli bankter (ýaqyt boıynsha shekteý engizýmen) jumysyn jalǵastyrady.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT