+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Qazaqstanda qatań karantın engiziledi - Bas sanıtar dárigerdiń qaýlysy shyqty

2020 jylǵy 3 shilde 20:12
Bólisińiz:
Qazaqstanda qatań karantın engiziledi - Bas sanıtar dárigerdiń qaýlysy shyqty

NUR-SULTAN. QazAqparat – QR Bas memlekettik sanıtar dárigeriniń 5 shildeden bastap Qazaqstan aýmaǵynda qatań karantın sharalaryn engizý týraly qaýlysy jarııalandy, dep habarlaıdy QazAqparat.

Qazaqstan Respýblıkasynyń halqy arasynda COVID-19 koronavırýstyq ınfektsııasynyń taralýynyń aldyn alý maqsatynda «Paıda bolý jáne taralý qaýpi tóngen kezde shekteý is-sharalary, onyń ishinde karantın engiziletin ınfektsııalyq aýrýlar tizbesin bekitý týraly» Qazaqstan Respýblıkasy Ulttyq ekonomıka mınıstriniń 2015 jylǵy 25 aqpandaǵy № 130 buıryǵyna jáne «Qazaqstan Respýblıkasynyń aýmaǵynda shekteý is-sharalaryn, onyń ishinde karantındi júzege asyrý qaǵıdalaryn bekitý týraly» Qazaqstan Respýblıkasy Ulttyq ekonomıka mınıstriniń 2015 jylǵy 20 naýryzdaǵy № 239 buıryǵyna sáıkes QAÝLY ETEMІN:

1. Qazaqstan Respýblıkasy Indýstrııa jáne ınfraqurylymdyq damý mınıstrligi avıareısterdiń baǵyttary men jıiligin kóbeıtpeı, óńirler arasyndaǵy avıaqatynastardy saqtaýdy qamtamasyz etsin.

2. Qazaqstan Respýblıkasy Indýstrııa jáne ınfraqurylymdyq damý mınıstrligi, «Qazaqstan temir joly» ulttyq kompanııasy» aktsıonerlik qoǵamy:

1) jolaýshylardyń temir jol tasymaly kólemin qysqartýdy qamtamasyz etsin;

2) qala mańyndaǵy jolaýshylar poezdarynyń (elektrıchka, jumys poezdaryn qospaǵanda) qozǵalysyn toqtata tursyn;

3) jolaýshylar poezdarynyń quramynda jalpy vagondardy qurýdy boldyrmasyn.

3. Oblystardyń, Almaty, Nur-Sultan, Shymkent qalalarynyń ákimderi, Ortalyq memlekettik organdar, quqyq qorǵaý jáne arnaıy organdar :

1) qalaaralyq avtobýs tasymaldaryn toqtata turýdy;

2) oıyn-saýyq, sporttyq is-sharalardy, kórmeler, forýmdar, konferentsııalar, sondaı-aq otbasylyq, estelik is-sharalaryn (banketter, úılený toılary, mereıtoılar, as berý), onyń ishinde úıde jáne adamdar kóp jınalatyn ózge de is-sharalardy ótkizýge tyıym salýdy;

3) azyq-túlik sýpermarketteri men olardaǵy dárihanalardy qospaǵanda, saýda-oıyn-saýyq ortalyqtarynyń, saýda úıleriniń, saýda jelileriniń qyzmetine tyıym salýdy;

4) oıyn-saýyq mekemeleriniń (karaoke, bılıard, kompıýter klýbtary, túngi klýbtar, boýlıng ortalyqtary, attraktsıondar, balalardyń oıyn alańdary, batýttar jáne basqalary), kınoteatrlardyń qyzmetine tyıym salýdy;

5) barlyq mádenıet obektileriniń (teatrlar, kontsert zzaldary, murajaılar, kórmeler jáne t.b.) qyzmetine tyıym salýdy;

6) dinı obektilerdin (meshitter, shirkeýler, soborlar, sınagoga jáne t.b.) qyzmetin toqtata turýdy;

7) balalardy saýyqtyrý lagerleriniń, mektepke deıingi balalar mekemeleriniń, balalardyń túzetý kabınetteriniń, bilim berý ortalyqtarynyń, balalardy damytý ortalyqtarynyń, úıirmelerdiń, balalar men eresekterge arnalǵan kýrstardyń qyzmetine tyıym salýdy;

8) fýdkorttar, banket zaldarynyń qyzmetine tyıym salýdy;

9) SPA-ortalyqtardyń, jattyǵý zaldarynyń, fıtnes-ortalyqtardyń, sporttyq-saýyqtyrý ortalyqtarynyń, basseınderdiń, qalalyq, qoǵamdyq jaǵajaılardyń, ashyq akvaparkterdiń, qoǵamdyq monshalardyń, saýnalardyń, sulýlyq salondarynyń, shashtarazdardyń, kosmetıkalyq jáne kosmetologııalyq qyzmet kórsetetin ortalyqtar men salondardyń qyzmetine, manıkıýr men pedıkıýr kórsetiletin qyzmetterine tyıym salýdy;

10) jabyq azyq-túlik jáne azyq-túlik emes bazarlarynyń qyzmetine tyıym salýdy;

11) 500 m2 artyq azyq-túlik emes dúkenderdiń tek jetkizý qyzmetin;

12) 65 jastan asqan turǵyndardyń jáne 3 adamnan artyq toptardyń júrip-turýyn shekteýdi;

13) qoǵamdyq kóliktiń qozǵalysyn shekteýdi;

14) óńirler arasynda jeke avtokóliktiń júrip-turýyna ruqsat berýdi;

15) áleýmettik qashyqtyqty jáne kúsheıtilgen sanıtarııalyq-dezınfektsııalyq rejımdi saqtaı otyryp, memlekettik organdardyń (uıymdardyń, kásiporyndardyń), kvazımemlekettik sektor organdarynyń, ulttyq kompanııalardyń, ózge de uıymdardyń, sondaı-aq kásipkerlik sýbektileriniń qyzmetine ruqsat berýdi qamtamasyz etsin. Bul rette qyzmetkerlerdiń keminde 80%-y qashyqtyqtan jumys nysanynda qalady (shtat kestesinde 30-dan astam qyzmetker bolǵanda);

16) aımaqqa bólý jáne kúsheıtilgen sanıtarııalyq-dezınfektsııalyq rejım talaptaryn saqtaı otyryp, medıtsınalyq ortalyqtardyń (jazylý boıynsha) qyzmetine ruqsat berýdi;

17) kúsheıtilgen sanıtarııalyq-dezınfektsııalyq rejımdi saqtaı otyryp jáne 50 % -nan asyrmaı toltyra otyryp, halyqtyń turýy boıynsha qyzmet kórsetý salasyndaǵy týrızm obektileri men uıymdarynyń (qonaqúıler, otelder, demalys úıleri, týrıstik bazalar jáne t.b.) qyzmetine ruqsat berýdi;

18) kúsheıtilgen sanıtarııalyq-dezınfektsııalyq rejımdi saqtaı otyryp dárihanalardyń, azyq-túlik dúkenderiniń (shaǵyn marketter, sýpermarketter, gıpermarketter), azyq-túlik jáne azyq-túlik emes bazarlardyń (ǵımarattan tys) qyzmetine ruqsat berýdi;

19) kúsheıtilgen sanıtarııalyq-dezınfektsııalyq rejımdi saqtaı otyryp, ujymdyq is-sharalardy ótkizbeı, ashyq aýadaǵy jáne úı-jaıda 30-dan aspaıtyn otyratyn oryn ornata otyryp, qoǵamdyq tamaqtaný obektileriniń qyzmetine ruqsat berýdi;

20) kúsheıtilgen sanıtarııalyq-dezınfektsııalyq rejımdi saqtaı otyryp, úzdiksiz óndiristik tsıkli bar ónerkásiptik kásiporyndardyń; ashyq aýadaǵy qurylys jumystarynyń, aýyl jáne balyq sharýashylyǵynyń, mal sharýashylyǵynyń qyzmetine ruqsat berýdi;

21) kúsheıtilgen sanıtarııalyq-dezınfektsııalyq rejımdi saqtaı otyryp, ýaqyt boıynsha shekteý arqyly halyqqa baılanyssyz qyzmet kórsetý obektileriniń (avtomobıl jýý, avtomobılderdi, turmystyq tehnıkany jóndeý jáne basqalary) qyzmetine ruqsat berýdi;

22) ýaqyt boıynsha shekteý arqyly jáne kúsheıtilgen sanıtarııalyq-dezınfektsııalyq rejımdi saqtaı otyryp, bıznes-ortalyqtardyń (advokat, notarıýs, býhgalter jáne konsaltıng kórsetiletin qyzmetteri, jyljymaıtyn múlik jónindegi agenttikter, jarnama agenttikteri, sot oryndaýshylary jáne t.b.), býkmeker keńseleriniń qyzmetine ruqsat berýdi;

23) kúsheıtilgen sanıtarııalyq-dezınfektsııalyq rejımdi saqtaı otyryp, ýaqyt boıynsha shekteý jáne qyzmetti barynsha onlaın formatta kórsetý arqyly HQKO-nyń jumysyn uıymdastyrýdy;

24) kúsheıtilgen sanıtarııalyq-dezınfektsııalyq rejımdi saqtaı otyryp, ýaqyt boıynsha shekteý jáne qyzmetti barynsha onlaın formatta kórsetý arqyly «Qazpochta» AQ-nyń jumysyn uıymdastyrýdy;

25) áleýmettik qashyqtyqty saqtaı otyryp, 3 adamnan aspaıtyn toptarmen nemese bir otbasy múshelerimen oıyn-saýyq obektileri joq saıabaqtarǵa, alańdar men skverlerge, jaǵalaýlarǵa jáne halyqtyń basqa da demalys oryndaryna barýǵa ruqsat berýdi;

26) ashyq aýadaǵy jeke jattyǵýlarǵa ruqsat berýdi;

27) qoǵamdyq kólikke, taksıge, ónerkásiptik aýmaqtarǵa, áýejaılarǵa, aýlalyq balalar alańdaryna, azyq-túlik jáne azyq-túlik emes bazarlarǵa jáne basqa da qoǵamdyq oryndrǵa sanıtarııalyq jáne dezınfektsııalyq óńdeý júrgizýdi;

28) Qazaqstan Respýblıkasy Ulttyq Bankiniń jáne Qazaqstan Respýblıkasy Qarjy naryǵyn retteý jáne damytý agenttiginiń aktisine sáıkes ýaqyty jáne sany boıynsha shekteı otyryp, qarjy naryǵy sýbektileriniń qyzmetine ruqsat berýdi qamtamasyz etsin.

4. Oblystardyń, Almaty, Nur-Sultan, Shymkent qalalarynyń ákimderi, oblystardyń, Almaty, Nur-Sultan, Shymkent qalalarynyń taýarlar men kórsetiletin qyzmetterdiń sapasy men qaýipsizdigin baqylaý departamentteri, oblystardyń, Almaty, Nur-Sultan, Shymkent qalalarynyń polıtsııa departamentteri qyzmetine ruqsat berilgen obektilerde karantındik sharalardyń, sanıtarııalyq-dezınfektsııalyq rejımniń saqtalýyn baqylaýdy qamtamasyz etsin. Buzýshylyqtar anyqtalǵan jaǵdaıda Ákimshilik quqyq buzýshylyq týraly kodekske sáıkes tıisti ákimshilik sharalar qoldansyn.

5. Tıisti aýmaqtaǵy, kóliktegi bas memlekettik sanıtarııalyq dárigerler, Qazaqstan Respýblıkasy Qorǵanys mınıstrliginiń, ulttyq qaýipsizdik jáne ishki ister organdarynyń, Qazaqstan Respýblıkasy Prezıdentiniń Іs Basqarmasy vedomstvosynyń halyqtyń sanıtarııalyq-epıdemıologııalyq salamattylyǵy salasyndaǵy qyzmetti júzege asyratyn qurylymdyq bólimsheleriniń basshylary qalyptasqan epıdemıologııalyq jaǵdaıǵa baılanysty karantındik sharalardy qatańdatý týraly sheshim qabyldaýǵa quqyly.

6. Osy qaýlynyń oryndalýyn baqylaýdy ózime qaldyramyn.

7. Osy qaýly 2020 jylǵy 5 shildede 00 saǵat 00 mınýttan bastap kúshine enedi.


Qazaqstan Respýblıkasynyń

Bas memlekettik

sanıtarııalyq dárigeri A. Esmaǵambetova


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT