Qazaqstanda kásipkerler úshin karantın talaptary jeńildetildi
2022 jylǵy 24 qańtar 21:16

Qazaqstanda kásipkerler úshin karantın talaptary jeńildetildi

NUR-SULTAN. QazAqparat - Búgin QR Premer-Mınıstriniń orynbasary Eraly Toǵjanovtyń tóraǵalyǵymen Qazaqstan Respýblıkasynyń aýmaǵynda koronavırýstyq ınfektsııanyń taralýyna jol bermeý jónindegi vedomstvoaralyq komıssııanyń otyrysy ótti, dep habarlaıdy QazAqparat.

Kún tártibindegi negizgi másele - pandemııa kezeńinde bıznestiń qyzmetin qamtamasyz etý úshin shekteý sharalaryn qaıta qaraý týraly otandyq bıznes ókilderimen kezdesýde Memleket basshysynyń bergen tapsyrmasyn oryndaý boıynsha sharalardy ázirleý boldy.

Talqylaý qorytyndysy boıynsha VAK Densaýlyq saqtaý mınıstrligi usynǵan bıznes sýbektileri qyzmetiniń shekteýlerin azaıtý jónindegi sharalardy qoldady.

Atap aıtqanda, qyzmetkerler men kelýshilerdiń «jasyl» mártebesi boıynsha jumys isteıtin obektiler úshin epıdemıologııalyq táýekeldiń barlyq aımaqtarynda (jasyl, sary, qyzyl) karantındik shekteýlerdi jeńildetý týraly sheshim qabyldandy.

Sondaı-aq, «kók» mártebesi bar kelýshiler úshin jumys isteıtin bıznes obektileri úshin epıdemıologııalyq qater aımaǵyna baılanysty karantındik shekteýlerdi álsiretý máselesi qaraldy. Jasyl aımaqta-shekteýsiz, sary, qyzyl aımaqtarda karantındik shekteýlerdi tolymdylyqty arttyrý boıynsha jeńildetý jáne jumys rejımi boıynsha shekteýlerdi alyp tastaý baǵytary qaraldy.

Vıtse-Premer karantındik shekteýlerdi alyp tastaý kásipkerler tarapynan sanıtarııalyq talaptardy múltiksiz saqtaýdy qamtamasyz etý boıynsha jaýapty qadamdardy talap etetinin atap ótti.

Premer-Mınıstrdiń orynbasary COVID-19 ınfektsııasynyń óte juqpaly nusqasy bolyp tabylatyn «omıkron» shtamynyń tez taralýyna baılanysty qazirgi qıyn jaǵdaıda VAK epıdemıologııalyq jaǵdaıdy túzetý úshin barlyq resýrstardy jumyldyrýdy usynǵanyn jáne basty basymdyq halyqty vaktsınatsııalaý jáne revaktsınatsııalaý ekenin atap ótti.

Keńes sońynda Eraly Toǵjanov ákimdikterge vaktsınalaý qarqynyn kúsheıtýdi tapsyrdy, ol úshin mamlıýke vaktsınalardyń jetkilikti sanyn bóldi. Sonymen qatar, jergilikti jerlerde Úkimet qabyldaıtyn is-sharalardyń oryndalýyn baqylaýǵa erekshe nazar aýdarý qajettigin atap ótti.


Jańalyqtar

MURAǴAT