+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qazaqstanda kartop baǵasy taǵy qymbattaı ma - AShM boljam jasady

2021 jylǵy 28 qyrkúıek 19:38
Bólisińiz:
Qazaqstanda kartop baǵasy taǵy qymbattaı ma - AShM boljam jasady

NUR-SULTAN. QazAqparat – Elimizde kartop tapshylyǵynyń aldyn alý úshin ne istelip jatyr? Baǵa turaqtylyǵy qalaı saqtalmaq? Bul suraqtarǵa QR AShM ósimdik sharýashylyǵy ónimderin óndirý jáne qaıta óńdeý departamentiniń dırektory Azat Sultanov jaýap berdi, dep habarlaıdy QazAqparat tilshisi.

«Qazir óńir ákimdikteri aldyndaǵy kezek kúttirmeıtin is - kartop óndirýshilermen kelisimshart jasasyp, kartop qoryn jasaqtaý. Ol úshin mınıstrlik tarapynan barlyq jaǵdaı jasalǵan, ár ákimdikke kartop óndirýshilerdiń tizimin berdik. Bizde kartop óndiretin 4 aımaq bar, ol - Pavlodar, Qaraǵandy, SQO jáne Aqmola oblystary. Eger ákimdikter kartop qoryn qazirden bastap jasaqtasa, tapshylyq pen baǵa ósimi bolmaıdy. Qordaǵy ónim kelesi jyldyń mamyr aıyna deıin jetse, odan ári kóktemgi jańa kartop naýqany bastalady», - dedi Azat Sultanov OKQ-de onlaın ótken baspasóz máslıhatynda.

Onyń aıtýynsha, otandyq kartop óndirýshiler baǵa turaqtylyǵyn saqtap, ónim tapshylyǵy bolmaýy úshin kelisimshartqa otyrýdy usynyp otyr.

«Árıne, maýsymdyq baǵa ósimi kútiledi. Biraq baǵa qoljetimdi bolady. Bizdiń boljamymyzǵa sáıkes, keler jyly maýsym kezinde kartoptyń kelisi 200-250 teńgeni qurasa, sábiz ben qyzylshanyń baǵasy 300 teńgege deıin baryp qalady dep josparlanyp otyr», - deıdi ol.

Sondaı-aq, AShM ókiliniń málimdeýinshe, kartop tapshylyǵy men baǵa ósýiniń aldyn alýda ónimdi durys saqtaý óte mańyzdy.

Buǵan deıin Azat Sultanov halyq jıi tutynatyn ónimderdiń biri nannyń baǵasyna qatysty óz boljamyn jasady.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT